@karakiya_ms: Маңғыстау облысының полиция басшысы тұрғындармен есептік кездесу өткізді. Маңғыстау облысы полиция департаментінің бастығы Сағындық Аяғанов тұрғындармен есептік кездесу өткізіп, өңірдегі қоғамдық қауіпсіздік мәселелері мен құқықтық тәртіптің жай-күйін талқылады. 2025 жылдың қорытындысы бойынша өңірдегі жедел жағдай тұрақты деп бағаланды, деп хабарлайды Қоғамдық коммуникация орталығы. Маңғыстау облысы полиция департаментінің баспасөз қызметінің мәліметінше, полиция генерал-майоры Сағындық Аяғанов Ақтау қаласының шағын аудандарын аралап, тұрғындармен, кондоминиумды басқару кооперативтері мен өзін-өзі басқару ұйымдарының өкілдерімен кездесті, сондай-ақ кездесуге қоғам белсенділері мен блогерлер қатысып, азаматтардың өзекті мәселелері мен ұсыныстары тыңдалды. Ашық диалог форматында қоғамдық қауіпсіздікті қамтамасыз ету, құқық бұзушылықтардың алдын алу, интернет-алаяқтыққа қарсы іс-қимыл жасау және халықтың полицияға деген сенімін арттыру мәселелері жан-жақты талқыланды. Жиын барысында департамент бастығы ұрлықтардың, есірткі қылмыстарының, жол-көлік оқиғаларының және алаяқтық деректерінің алдын алуға ерекше назар аударылып отырғанын атап өтіп, цифрлық технологиялардың дамуына байланысты жаңа қауіп-қатерлердің, соның ішінде киберқылмыс түрлерінің жиілегенін, әсіресе әлеуметтік желілер арқылы жасалатын алаяқтық қылмыстар санының артқанын жеткізді. Осыған байланысты департамент тарапынан киберқылмыстармен күресуге бағытталған арнайы бөлімшенің жұмысы күшейтіліп, банктермен, байланыс операторларымен және өзге де ұйымдармен бірлескен алдын алу шаралары жүзеге асырылып жатқаны айтылды. Сонымен қатар облыс аумағында жол-көлік оқиғаларының алдын алу, жол қозғалысы қауіпсіздігі мәдениетін қалыптастыру және азаматтардың жауапкершілігін арттыру бағытында кешенді жұмыстар жүргізіліп жатқаны да атап өтілді. - Біздің мақсатымыз - қауіпсіз қоғам құру. Заң мен тәртіп орнаған жерде әділдік, бейбіт өмір және қауіпсіздік болады, - деді Сағындық Аяғанов. Айта кету керек, осы форматтағы есептік кездесулерді қала және аудан полиция бөлімдерінің басшылары да жергілікті тұрғындармен ұйымдастыруда.

139

There are no more comments for this video.

To see more videos from user @karakiya_ms, please go to the Tikwm homepage.