@karakiya_ms: Маңғыстауда ақпараттық қауіпсіздік бойынша түсіндіру жұмыстары жүргізілді. 27 наурыз күні Маңғыстау облысының дін істері басқармасының мемлекеттік әлеуметтік тапсырысы аясында «Заң мен тәртіп» идеологиясы шеңберінде құзырлы органдармен бірлесіп ақпараттық қауіпсіздік бойынша жиын өтті, деп хабарлайды Қоғамдық коммуникация орталығы. Кездесудің мақсаты – ақпараттық қауіпсіздік саласындағы өзекті мәселелерді талқылау, құзырлы органдар арасындағы өзара іс-қимылды нығайту, сондай-ақ тұрғындар арасында түсіндіру жұмыстарын жетілдіру және олардың тиімді тәсілдерін айқындау. Жиынға ақсақалдар, діни және этномәдени бірлестіктердің мүшелері, мемлекеттік мекемелердің қызметкерлері, құқық қорғау органдарының өкілдері және жастар қатысты. Іс-шара барысында бірқатар маңызды тақырыптар қарастырылды. Атап айтқанда, интернет-алаяқтықтың алдын алу жолдары, цифрлық қауіпсіздік негіздері, «дроппер» ұғымы және оның заңсыз әрекеттердегі рөлі, сондай-ақ құмар ойынға тәуелділік (лудомания) мәселелері талқыланды. Спикерлер қатарында облыстық дін істері басқармасының өкілдері, полиция департаментінің киберқылмысқа қарсы іс-қимыл басқармасы, экономикалық тергеп-тексеру департаменті қызметкерлері және заңгер мамандар баяндама жасап, қатысушыларға маңызды ақпараттар ұсынды. Маңғыстау облысы полиция департаменті киберқылмысқа қарсы іс-қимыл басқармасының басшысы Айболат Мурзашев өз сөзінде интернет-алаяқтықтың түрлері мен оның алдын алу жолдарына кеңінен тоқталды. -Бүгінгі жиын облыстық дін істері басқармасының мемлекеттік әлеуметтік тапсырысы аясында ұйымдастырылды. Осы іс-шарада өз салам бойынша халыққа және семинар қатысушыларына «Интернет-алаяқтықтың түрлері, оның алдын алу және олармен күресу жолдары» тақырыбында баяндама жасадым. Қазіргі таңда әлеуметтік желілер арқылы жасалатын қылмыстардың ішінде интернет-алаяқтық өзекті мәселелердің біріне айналып отыр. Осыған байланысты халық арасында түсіндіру жұмыстарын жүргізіп, алаяқтықтың алдын алу және онымен күресу жолдарын нақты атап өттім. Бұл қылмыс түрі өзекті болғандықтан, Маңғыстау облысының тұрғындарына айтарым: осындай жағдайларға тап болған кезде уақыт созбай, 102 байланыс нөміріне хабарласып немесе біздің басқармаға келіп, арыздануға болады, - деді Айболат Мурзашев. Кездесу ашық диалог форматында өтіп, қатысушылар өз пікірлерін білдіріп, сала мамандарына сұрақтарын қою мүмкіндігіне ие болды. Жиын қорытындысында ақпараттық қауіпсіздікті қамтамасыз ету, азаматтардың цифрлық сауаттылығын арттыру және киберқауіптердің алдын алу бағытында бірлескен жұмыстарды жалғастырудың маңыздылығы атап өтілді. Ұйымдастырушылар мұндай түсіндіру шаралары алдағы уақытта да жүйелі түрде жалғасатынын жеткізді.

177

There are no more comments for this video.

To see more videos from user @karakiya_ms, please go to the Tikwm homepage.