@shanheraldagencyfornews: “ခပ်ဝေးဝေးမှာနေပါ၊ ဖျက်ဆီး၊ ရှင်းလင်းဖို့မကြိုးစားပါနဲ့” မြေမြှုပ်မိုင်း၊ ဒါမှမဟုတ် ပေါက်ကွဲစေနိုင်တဲ့ စစ်ကျန်လက်နက်ပစ္စည်းတွေတွေ့တဲ့အခါ ကောက်ယူတာ၊ နေရာပြောင်းရွှေ့တာ၊ တစ်စုံတစ်ခုနဲ့ထိုးစွကြည့်တာတွေဟာ အန္တရာယ်ရှိတဲ့ အပြုအမူတွေပါပဲ။ ဒါ့အပြင် မီးရှို့တာ၊ အနီးအနားမှာမီးမွှေးတာ၊ ဆားနဲ့သိပ်တာ၊ ရေနဲ့လောင်းတာတွေလည်း လုံးဝမလုပ်ရပါဘူး။ မြေကြီးထဲကနေဆွဲထုတ်တာ၊ ထုရိုက်တာ၊ ပစ်ပေါက်တာ၊ ဆော့ကစားတာ၊ စူးစမ်းစိတ်နဲ့ ဖြုတ်ဖို့ကြိုးစားကြည့်တာ တွေလည်း လုံးဝမလုပ်ပါနဲ့။ နောက်ထပ်အရေးကြီးတာက ပေါက်ကွဲလက်နက်ပစ္စည်းတွေကို အရပ်သားပြည်သူတွေအနေနဲ့ ဘယ် လိုအကြောင်းကြောင်းနဲ့မှ ကိုယ်တိုင်ရှင်းလင်း ဖျက်ဆီးဖို့မကြိုးစားသင့်ပါဘူး။ ရှင်းလင်းဖို့ကြိုးစား ရင်းက မိမိ ကိုယ်တိုင်ရော အနီးနားကလူတွေကိုပါ ပြင်းထန်စွာ ထိခိုက် ဒဏ်ရာရစေနိုင်သလို အသက်ဆုံး ရှုံးရတဲ့အထိ ဖြစ်စေနိုင်ပါတယ်။ အနီးကပ်မဟုတ်ဘဲ အကွာအဝေးတစ်ခုကနေပြီးတော့ဖြစ်စေ၊ ယာဥ်တစ်စီးစီးသုံးပြီးတော့ဖြစ်စေ ရှင်းလင်းဖျက်ဆီးဖို့ကြိုးစားတာကလည်းအလားတူ မိမိရော ပတ်ဝန်းကျင်ကလူတွေအတွက်ပါ အန္တရာယ်ရှိတဲ့ အပြုအမူပဲဖြစ်ပါတယ်။ စနစ်တကျ လေ့ကျင့်သင်ကြားထားတာမျိုးလည်းမဟုတ်၊၊ အထူးပြုကိရိယာတွေလည်းမပါဘဲ မြေမြှုပ်မိုင်းနဲ့ အခြားသော ပေါက်ကွဲလက်နက်ပစ္စည်းတွေကို ရှင်းလင်းရေးလုပ်တာဟာ ဘေး အန္တရာယ် ကင်းတဲ့ နည်းလမ်းမဟုတ်ဘူးဆိုတာ အမြဲသတိရှိပါ။ အဲဒီလို အသိ၊ သတိ မရှိကြရင်တော့ အသက်သေစေတဲ့အထိ အဆိုးဆုံးဖြစ်နိုင်သလို ခြေတစ် ဖက် ဒါမှမဟုတ် နှစ်ဖက်စလုံးဆုံးရှုံးစေတာ၊ ခန္တာကိုယ်အနှံ့မှာ ပြင်းပြင်းထန်ထန်ဒဏ်ရာတွေ ရတာ၊ ထိခိုက်မှုကြောင့် ပုံမှန်လိုသွားလာ လှုပ်ရှာမှုမလုပ်နိုင်တာကြောင့် အသက်မွေးဝမ်း ကြောင်း၊ အလုပ်အကိုင်အခက်ခဲဖြစ်စေတာတွေ ကြုံရနိုင်ပါတယ်။ ဒါ့အပြင် နောက်ဆက်တွဲအနေနဲ့ စိုးရိမ်ထိတ်လန့်တာ၊ စိတ်ဖိစီးတာ၊ လုံခြုံမှုမရှိသလိုခံစားရတာ၊ စိတ်ဓာတ်ကျတာ စတဲ့ စိတ်ပိုင်းဆိုင်ရာ ထိခိုက်ခံစား မှုတွေကိုလည်း ခံစားရစေနိုင်ပါတယ်။ #PSA #ၽူႈတွႆႇႁွၵ်ႈ #Shannews #shannewsburmese #shanburmese

379

There are no more comments for this video.

To see more videos from user @shanheraldagencyfornews, please go to the Tikwm homepage.