መቆረር ደብረማርቆስ ድጋሚ ታላቅ የምስራች ማርቆሳዊያን! ጥያቄያችሁ ሰምሮ የትኬት ዋጋ ማስተካከያ ተደረገ! ✈️🎉 ውድ የደብረማርቆስ እና የአካባቢዋ ልጆች፣ እንዲሁም የልማት ተቆርቋሪዎች፤ ባለፉት ቀናት ስለ አዲሱ የደብረ ማርቆስ አየር መንገድ በረራ መጀመር ተከትሎ ያነሳናቸው ጥያቄዎች አመርቂ ምላሽ ማግኘት ጀምረዋል። 1. ከአየር መንገዱ ጋር በሶሻል ሚድያ በኩል ያደረግነው ግንኙነት፦ ስለ ትኬት ዋጋ መወደድ፣ ስለ በረራ ቀናት ማነስ እና ስለ ከተማዋ ስም አጻጻፍ ስህተት (Debra vs Debre) ለአየር መንገዱ (Ethiopian Airlines) በዝርዝር አቅርበን ነበር። አየር መንገዱም ለጥያቄዎቻችን ፈጣን ምላሽ የሰጠ ሲሆን፣ ጉዳዩን "አስቸኳይ" (Urgent) በማለት ለከፍተኛ ውሳኔ ሰጪ አመራሮች (Escalated to the concerned department) መርቶታል። (ከአየር መንገዱ ጋር የተጻጻፍነውን ደብዳቤ ከታች ባለው ምስል መመልከት ትችላላችሁ)። 2. የትኬት ዋጋ ማስተካከያ፦ ይህንን ተከታታይ ግፊትና ጥያቄ ተከትሎ፣ አየር መንገዱ የትኬት ዋጋ ማስተካከያ አድርጓል። አሁን በሲስተሙ ላይ ዋጋው ተስተካክሎ የቀረበ ሲሆን፣ ይህ አየር መንገዱ ለደንበኞቹና ለህዝብ ጥያቄ የሚሰጠውን ትልቅ ክብር ያሳያል። 3. ሌሎች ጥያቄዎች በሂደት ላይ ናቸው፦ የበረራ ቀናት ዕለታዊ (Daily) እንዲሆኑልን ያቀረብነው ጥያቄ እና የከተማዋ ስም አጻጻፍ እንዲስተካከል የጠየቅነው ነጥብም በአየር መንገዱ አመራሮች እየታየ መሆኑን አረጋግጠውልናል። የዋጋው መስተካከል እንደሚያሳየው፣ እነዚህም ጥያቄዎቻችን በአጭር ጊዜ ውስጥ ምላሽ እንደሚያገኙ ሙሉ እምነት አለን። ለእናንተ ያለኝ ምስጋና፦ ይህ ውጤት የሁላችንም ነው። በተለይ አስተያየታችሁን በጨዋነት፣ በምክንያታዊነትና ለከተማችን ልማት ካላችሁ ቀና ተቆርቋሪነት በመነጨ መልኩ ስለገለጻችሁ ላቅ ያለ ምስጋና ይገባችኋል። የሶሻል ሚዲያ አጠቃቀማችን፦ ይህ አጋጣሚ አንድ ትልቅ ነገር አስተምሮናል። ሶሻል ሚዲያን ለአካባቢያችን ጥቅም፣ ለበጎ ዓላማና ለጋራ እድገት በጨዋነትና በስነስርዓት ስንጠቀምበት ድምጻችን ሰሚ እንደሚያገኝ አረጋግጠናል። መሳደብና መወቃቀስ ሳይሆን፣ በመረጃና በሃሳብ መሞገት ሁልጊዜም ያሸንፋል። ውጤቱን በጋራ እየተከታተልን እናሳውቃለን። #DebreMarkos #Gojjam #EthiopianAirlines #CivicEngagement #Success - @adaneone2