@reham.abd.el.salam: زمان كنت بدعي ان خلفتي تبقي ولاد مش حبا ف الولاد بس عشان هتجيبى عيلين تلاته هتعملى اللي عليكى وتربيهم كويس وهتكبرى دماغك بعد كده وانتى وحظك بقى طلعوا محترمين خير وبركه طلعو شياطين اهو نصيبهم كده اينعم الولاد مقرفه ف تربيتها بس ايه هيحصل يعني لو جبت عيل وطلع سافل ومش متربي ؟! هتقفشى عليه هتطرديه من البيت او هتضربيه بالقلم فياخد القلم ويسيب البيت ويروح ينام عند صاحبه او تصعب عليه نفسه ويجري عليكى رافع ايده فتقوليله ايه يا علي !! هتمد ايدك علي امك !! فضميره يأنبه ويروح ينام برضه عند صاحبه وف الاخر تحرميه من الميراث وتتبرعى بكل ثروتك لجمعيه حمايه حقوق الكلاب السعرانه وتسيبيه يهوهو لوحده لكن البنت هتبقي خايفه عليها ومش مأمنه عليها ف الزمن اللي احنا فيه ده هتخافى عيل سيس يضحك عليها ويلعب بيها هتقفشى عليها وتزعقلها وعشان هي حساسه هتبلع شريط كونجستال كله عشان تنتحر يعني وكده وده هيخليكى تضطرى تجري بسرعه وتنزلى عشان تجيبى غيره عشان البرد اللي عندك 😀 وبالمره توديها مستشفي تعمل غسيل معده يعني وكده او تتجوز من وراكى الواد اللي انتى رفضتيه 6 مرات عشان معندوش شقه ومعندوش شغلانه ومعندوش دم فتتصدمى وبقك يتعوج وتعيشى طول عمرك مش حاسه بنصك اليمين ويجي يعيش معاكم ف نفس البيت ويتف قشر اللب ف قفاكى ويسيب باب التلاجه مفتوح ويخلص الجبنه الرومى كلها ومايسبلكيش حاجه خالص وف الاخر يورثك ده يعني انتى لو كان حيلتك حاجه كل الكلام ده اتغير السنه دى لما ماما تعبت ودخلت المستشفى بنتها واقفين جمبها وماسكين ايديها عشان هى متخفش واحنا اصلا كنا خايفين عليها فعلا قد ايه الموقف ده اثر فيا والله وحسيت ان لا الواحد بكره هيكبر وهيحتاج حد يطبطب عليه للأسف الموضوع ده محتاج انثي مش محتاج دكر محتاج بنت محتاجه بنتك خلفه البنات حلوه🎀🤍🤍🤍🎀
