@megdadahmed22: لما يكون الزول المعاك، ما داير يسمعك أصلاً، أو سامعك بقلب مليان شك، أي كلمة منك يلوِّيها، وأي نية طيبة يحوّلها لحاجة تانية. تحس إنك بتتكلم لغة، وهم سامعين لغة تانية، بينكم مسافة ما بتتقاس بالكلام… بتتقاس بالإحساس الغلط. مرات تقعد ساكت، ما عشان ما عندك كلام، لكن عشان بقيت تخاف تتكلم… أي كلمة ممكن تتفهم غلط، وأي توضيح ممكن ينقلب ضدك. تبدأ تراجع نفسك زيادة عن اللزوم، تفتش في كل كلمة قلتها، في كل نبرة صوت، في كل لحظة، وتسأل: "الغلط فيني؟ ولا في الفهم الحاصل؟" والحقيقة؟ مرات ما بتكون غلطان، لكن الحاصل إنو ما كل زول مهيأ يفهمك، ولا كل قلب جاهز يستقبل إحساسك زي ما هو. في ناس بيسمعوك عشان يردوا… وفي ناس بيسمعوك عشان يفهموا، والفرق بينهم كبير شديد. الأولى بتاخد كلامك وتفسرو على مزاجها، والتانية بتحاول تدخل جوه إحساسك قبل ما تحكم عليك. ولما تتكرر معاك حكاية "الفهم الغلط"، بتتغير… ما بنفسك، لكن بطريقة تعبيرك، بتقلل كلامك، بتختار الصمت في مواقف كتيرة، وبتخلي جواك مليان حكايات ما اتقالت. لكن برضو، جواك صوت صغير بقول: "في يوم، حتلقى الزول البيفهمك بدون ما تشرح، البيسمعك من سكاتك قبل كلامك." لحدي ما اليوم داك يجي… حاول ما تغيّر صفاءك، ما تخلي الفهم الغلط يخليك تقسى، أو يشوّه نيتك. لأنو ببساطة… المشكلة ما فيك، المشكلة في الزول الما قدر يشوفك زي ما إنت، ولا سمعك بالقلب البتستاهلو. وفي النهاية… بتتأكد من حاجة واحدة: إنو الفهم رزق… وما كل الناس ربنا كاتب ليها تفهمك. 💔 مقــ⁷ـداد #خواطر #سودانيز_تيك_توك_مشاهير_السودان🇸🇩 #سودانيز_تيك_توك_مشاهير_السودان #جخو،الشغل،دا،يا،عالم،➕_❤_📝

المقداد // Megdad

Open In TikTok:

Region: SD

Tuesday 31 March 2026 19:16:12 GMT