@abdullahiosmanfarah0: Sanadihii 2015 iyo 2016 ayuu Xasan Sheekh dhistay saddex maamul goboleed oo kala ah Koonfur Galbeed, Galmudug iyo Hirshabelle si uu uga helo Xildhibaanno doorta markii doorashada la gaaro. Saddex maamul wuxuu u kala dhiibtay 1. Shariif Xasan Sheekh Aden (Koonfur Galbeed) 2. Is-casilaa Xuseen Guuleed (Galmudug) 3. Cali Cabdullaahi Cosoble (Hirshabelle) Sidoo qorshuhu ahaaba Xildhibaanno ayay u soo saareen. Fiidnimadii 7-dii February 2017 ayay 300 oo Xildhibaan ayaa Hotelka SYL ee Muqdisho hees raaxeeye u saaray oday Xasan una ballanqaaday inuu habeen danbe aqalkiisa ku soo laabanayo isaga oo madaxweyne ah (daawo muuqaalka) Markii la gaaray dharaartii 08. February 2017 nin ciyaal Xamar Jadiid ah oo Mareykanka ka yimid ayaa ku dhex ihaaneeysay Teendhadii Afisooni heer Xasan Sheekh la gaarsiiyoay inuu "ISDHIIBO" oo uu ka tanasulo inuu tartan wareeg kale ah la galo Farmaajo (maalinkii labaad ee nolosheyda iigu farxadda badneyd marka laga reebo 11 September 2011) Sidoo kale, Farmaajo ayaa isla waddadii oo kale maray, isaga oo soo dhistay saddex maamul goboleed wixii la ogaa ayaana ka raacay waloow uu taariikh cajiib ah qoray maadaama isaga oo aan hal shilin, hadde waa hal shilin bixin, oo ay iskugu tageen, 13 musharrax, Ra'isalwasaarihiisii duruufeeysnaa, guddoonka labada aqal, saddexdii maamul oo uu soo dhistay labo kamid ah iyo dhowr dowladood oo ajnabi ah ayna ugu darnaayeen Imaaraatka iyo Jabuuti hadana iyada oo ay sidaas tahay FINAL yimid oo helay 114 COD. Hadda waxaan arkay qaar malaha taariikhaas kadib garaadsaday oo isku-sidkaya guusha madaxweynaha federaalka helayo markii doorasho la gaaro iyo lahaan-shaha maamul goboleedyada ka hor uu dhisto. Xildhibaanka Soomaaliga si kasta ugu hiilli, maalinka uu dhaarta maro, oo uu kaarkiisa qoorta surto waa xor qofna ma maamuli karo.

Abdullahi Osman Farah

Open In TikTok:

Region: SO

Thursday 02 April 2026 05:43:58 GMT