@mereke_issabek: Неге кей еркектерге бір әйел жеткіліксіз? Көп әйел бұл жағдайды өзінен іздей бастайды. «Мүмкін мен жеткіліксіз шығармын… Мүмкін мен әдемі емеспін… Мүмкін мен жақсы әйел болмадым…» Бірақ шындық көбіне әйелде емес. Психологияда кей еркектердің бір әйелден екінші әйелге ауыса беруінің бірнеше себебі бар. Біріншісі — ішкі бос орын. Бала кезінде махаббат, қабылдау, жылы сөз жетіспеген адам ересек өмірінде оны сырттан іздей бастайды. Әр жаңа әйел оған бір сәтке сезім береді: «Мен керекпін. Мен маңызды адаммын.» Бірақ бұл сезім ұзаққа бармайды. Сондықтан ол тағы біреуін іздейді. Екінші себеп — жақындықтан қорқу. Шынайы терең жақындық — адамның әлсіздігін, шынайы болмысын көрсетеді. Ал әр еркек бұған дайын бола бермейді. Сондықтан ол терең қарым-қатынастан қашып, жаңа эмоция іздеуі мүмкін. Үшінші себеп — өз құндылығын әйелдердің назарынан өлшеу. Неғұрлым көп әйел болса, соғұрлым ол өзін «еркекпін» деп сезінеді. Бірақ бұл күш емес. Бұл көбіне ішкі сенімсіздік. Сондықтан кей еркектер әйелін тастамайды, бірақ басқа әйелге барады.Бір жерде — тұрақтылық.Үй, отбасы, комфорт. Ал басқа жерде — эмоция, құштарлық, жаңалық. Ол не бір әйелмен терең өмір сүреді, не батыл шешім қабылдайды. Ал екі әлемнің арасында жүру — көбіне ішкі бос орын, жауапкершілік ала алмайтын, жетілмегенінің белгісі.

469

There are no more comments for this video.

To see more videos from user @mereke_issabek, please go to the Tikwm homepage.