محمد المقحم | قيمة الإنسان الطيب . . إذا كان عندك شخص ما تشك أبداً في محبته لك زعل منك ولا شال في خاطره عليك ترى من كمال العقل ومن اتساع الأفق ومن الوفاء ومن حق الصداقة والمحبة عليك أنك ترضيه حتى لو أن الخطأ ما يستاهل حتى لو ماله حق حتى لو أنه المفروض أنه هو اللي يعتذر المهم انك تطيب خاطره لين يرجع على خبرك بعذر بتنازل وبتلطف وبعطاء اللي يجي واذا اجتمع عذر بعطاء اغسل اللي في النفس وترى مراضى الانسان الطيب والانسان المحب ما ينقص من قيمتك ابدا بل يزودك قدر ويزود العلاقة قوة ترى اذا رضي بدا يفكر في احتواك للموقف كبر عقلك وحلم نفسك واهتمامك به كبرك في عينه وزادك غلا ومحبة ما توقعها المهم لا تخلي الزعل يبطي مع الحب ترى الزعل ما يخلي الحب على حاله ولا تقول الزعل يروح مع الأيام ترى الزعل يروح مع الأيام يروح معه الشيء واجد تغترب القلوب يجي بينكم رسمية ما تطيع تنكسر حط في بالك ان يمكن ما يستجيب لمحاولة الاسترضاء الاولى لا تتعامل بكبرياء مثل تعاملك مع عامة الناس لا تعامل بمحبة وبحلم وبصبر وبعقل واعرف ان اللي مخليه ما يرضى على طول مو لانه يكرهك لانه ما زال يحبك هذي شرهة المحب محبته لك وهقوته فيك مكبره شرهته عليك واللّه ما تصغر الشرهه ولا تقبل الا على قيمة الإنسان في عينيك الخلاصه لا يبطي الزعل في قلب إنسان تهتم لمشاعره #محمد_المقحم #اقتباسات #foryou #fyp #الشعب_الصيني_ماله_حل😂😂 - @x02q