မောဟဆိုတာကတော့သူကအင်မတန်မှသိမ်မွေ့တယ်။ သူကပိုဆိုးတယ်။လူတွေကလောဘဒေါသတော့သိတယ်။မောဟသိပ်မသိဘူးနော်။ကဲစဉ်းစားကြည့်ရအောင်။မောဟဆိုသည်မှာလုပ်သင့်တာနဲ့မလုပ်သင့်တာကိုခွဲခြားမသိဘူး။ပြောသင့်တဲ့စကားမပြောသင့်တဲ့စကားခွဲခြားမသိဘူး။တွေးသင့်တာနဲ့မတွေးသင့်တာကိုခွဲခြားမသိဘူး။မသိတော့ဘာဖြစ်တုန်းဆိုတော့မလုပ်သင့်တာကိုလုပ်သင့်တယ်လို့ထင်တယ်။လုပ်သင့်တာကျတော့မလုပ်သင့်ဘူးလို့ထင်တယ်။မပြောသင့်တဲ့စကားကိုပြောသင့်တယ်လို့ထင်တယ်။ပြောသင့်တဲ့စကားကျတော့မပြောသင့်ဘူးလို့ထင်ပြန်တယ်။အဲဒီလိုအထင်တွေမှားတဲ့အခါကျတော့ဘာဖြစ်တုန်းဆိုတော့မလုပ်သင့်တာကိုလုပ်သင့်တဲ့ထင်ပြီးလုပ်တာပဲ။လုပ်သင့်တာကြတော့မလုပ်သင့်ဘူးထင်ပြီးမလုပ်ပဲနေတယ်။မှားမှားယွင်းယွင်းတွေနဲ့ပြဿနာမတက်ဘူးလား။မောဟသမားလုပ်သွားတာကို့ယို့ကားယားချည်းပဲအကုန်လုံး။အပြစ်တင်စရာတွေချည်းပဲ။အဲဒါကိုမောဟလို့ခေါ်တာနော်။မောဟဆိုတာတွေဝေပြီးတော့လုပ်သင့်တာမလုပ်သင့်တာမသိလို့ပြဿနာတွေနောက်ဆက်တွဲတက်လာတာ။ဒါကြောင့်မို့လို့မောဟဆိုတာမဖြစ်အောင်ဘယ်လိုထိန်းမလဲ။အခုလိုတရားနာတာဟာမောဟလျော့ပါးအောင်တရားနာတာ။တရားစာအုပ်တွေဖတ်တာမောဟလျော့ပါးအောင်တရားစာအုပ်တွေဖတ်တာ။တရားနာရတယ်။မသိရင်မေးရတယ်။တရားစာအုပ်တွေဖတ်ရတယ်။လေ့ကျင့်ရတယ်။အသိဉာဏ်တွေရအောင်ကြိုးစားရတယ်။ဒါမောဟကိုဖယ်ဖို့ကြိုးစားတာပဲ။ အေးလောဘဒေါသမောဟဆိုတဲ့စိတ်တွေကိုထိန်းနိုင်ပြီဆိုရင်ထိန်းနိုင်တဲ့အချိန်ကနေစပြီးတော့ပြဿနာတွေနည်းနည်းသွားပြီးချမ်းသာသုခရတယ်။နောက်ဆုံးလောဘကိုကုန်အောင်ထိန်းလိုက်တာနဲ့တစ်ပြိုင်နက်လောဘကဘယ်အချိန်မှကုန်တုန်းဆိုနောက်ဆုံးရဟန္တာဖြစ်မှကုန်တယ်။ဒေါသကျတော့ဘယ်အချိန်မှာကုန်သွားတုန်းဆိုအနာဂါမ်ဖြစ်သွားရင်ဒေါသကုန်တယ်။မောဟကဘယ်အချိန်မှာကုန်တုန်းဆိုရဟန္တာဖြစ်မှကုန်တယ်။ အောက်ထစ်ဆုံးသောတာပန်အဆင့်ရောက်ရင်လည်းအပါယ်ကိုချတဲ့လောဘ၊အပါယ်ကိုချတဲ့ဒေါသ၊အပါယ်ကိုချတဲ့မောဟမရှိတော့ဘူးနော်။သကဒါဂါမ်ဖြစ်သွားရင်အဖြစ်နည်းသွားပြီ၊အရှိန်တွေနည်းသွားပြီ။အနာဂါမ်ဖြစ်လို့ရှိရင်ဒေါသဟာလုံးဝကုန်သွားပြီ။လောဘတို့မောဟတို့ဆိုတာလည်းဒီကာမအာရုံတွေနဲ့ပတ်သက်ပြီးမလာတော့ဘူး။ရဟန္တာဖြစ်သွားပြီဆိုရင်ဘာအကုသိုလ်မှမရှိတော့ဘူး။လုံးဝလွတ်ကင်းသွားပြီ။အဲဒီကျရင်တော့လုံးဝချမ်းသာတဲ့နိဗ္ဗာန်ချမ်းသာကိုမျက်မှောက်ပြုပြီးတော့သံသရာဝဋ်ဆင်းရဲကလွတ်ကင်းသွားနိုင်တယ်လို့မြတ်စွာဘုရားဟောတဲ့တရားဟာအင်မတန်မှလက်တွေ့ကျတဲ့တရားဖြစ်သောကြောင့်စိတ်ကိုထိန်းနိုင်မှချမ်းသာရမှာလို့ကိုယ်စီကိုယ်စီသဘောကျပြီးတော့မိမိရဲ့စိတ်လေးကိုလောဘနဲ့မတွဲအောင်၊ဒေါသနဲ့မတွဲအောင်၊မောဟနဲ့မတွဲအောင်ထိန်းသိမ်းစောင့်ရှောက်ဖို့ကြိုးစားအားထုတ်နိုင်ကြပါစေကုန်သတည်း။ ပါမောက္ခချုပ်ဆရာတော်ဘုရားကြီး ဒေါက်တာအရှင်နန္ဒမာလာဘိဝံသ ဓမ္မဒါန by KHH Crd Kaung Htet Han (Facebook) __________________________________ •မူရင်းရေးသားသူ/ •ဖြန့်ဝေသူအားလုံးဂါရဝပြုပါသည် •( #ဓမ္မသုတလမ်း )မှ •"#ဓမ္မဒါန အနေဖြင့်ပြန်လည်မျှဝေပါသည်။ •"ကောင်းမူ နေ့စဉ်ပြုပါ" •Copyဖြင့်သော်၎င်း •Share ဖြင့် သော်၎င်း •ပြန် လည်မျှဝေခြင်းဖြင့်။ • အမြတ်ဆုံးတရားကုသိုလ်ပြုနိင်ပါတယ်"✅ •🙏"သဗ္ဗဒါနံ ဓမ္မဒါနံ ဇိနာတိ "🙏 •🙏"အလှူ အားလုံး ထဲတွင် • တရားအလှူသည် အမြတ်ဆုံးဖြစ်၏"🙏 •ဤ(ရုပ်/နာမ်-ခန္ဓာ)မှပြုခဲ့ရသော •ကောင်းမူအစုစုအား အားလုံးကိုအမျှဝေပါ၏✅ု •🙏 နတ်/လူ သာဓုခေါ်စေသော်။.....🙏 "ဣဒံ မေ ပုညံ နိဗ္ဗာနဿ ပစ္စယော ဟောတု" •“နေရက်တိုင်းမှာစိတ်၏ချမ်းသာခြင်းကိုယ်၏ကျန်းမာခြင်းနှင့်ပြည့်စုံကြပါ‌စေ” _________________________________ - @dhammathutalan