@hallaarabi: معظمنا بيحاول يكون عنده رأي واحد أو وجهة نظر وحدة لأنه منظن إذا ما كان عنا رأي معناها نحن صفر عالشمال منحاول يكون عنا مشروب مفضل ☕ منحاول يكون عنا اكلة مفضلة 🍕 منحاول يكون عنا ستايل لبس مفضل 👗 منحاول يكون عنا ديكور مفضل 🏠 و منحاول يكون عنا شخصية وحدة! بس كل ما كبرنا اكتر منعرف انه نحن عم نتغير كل الوقت والشي يلي منحبه اليوم يمكن نبطل نحبه بكرا 🕰️ لاحظت من حالي انو الشغلات يلي بتلفتلي نظري بتضل بتلفت نظري لوقت احصل عليها وبعدها بتصير عادية وبصير بيلفت نظري شي تاني 😉 لما بكون عنا الخيار والامكانية انو نحصل على كل شي بدنا ياه بصير عنا قدرة على رؤية الواقع بطريقة مختلفة وشمولية اكثر. منوصل لنقطة بتفقد فيها الامور المادية قيمتها ومنصير واعيين كتير عالاشياء يلي بدنا ندخلها على حياتنا او بيتنا او فكرنا 🧠🌿 بصير عنا قدرة على احتواء العالم بنوره وظله وببساطته وتعقيده متل هي اللوحة يلي رسمتها 🖌️🎨 هي اللوحة اذا حسيتيها (مو اذا شفتيها) رح تحسي انه فيها المزيج المعقد يلي جواتنا والتناقض يلي نحن عايشين معه كل يوم ولكن باللاشعور مصرين نختار طرف واحد منه بس. يمكن هاد هو تعريف الغنى 💰 ✨ هو القدرة على رؤية كل جوانب الحياة بنورها وظلامها وتقبل أنفسنا متل ما نحن بدون ما نحتاج نصلح شي. بالأخير تُعرَف الأشياء بأضدادها ولولا الظلام ما كنا أدركنا النور يلي بداخلنا 🌝🌚 سلام ♥️
