@imtryingtobestrong: مش عارفة ليه بقيت بحس إنها قربت الفترة دي، قربت أوي، مع إني مش عارفة امتى ربنا ممكن يأذن برحيلي؛ بس أنا طول عمري بتمنى إني أكون كنت خفيفة على قلب كل اللي اتعامل معايا في يوم طول عمري وأنا بحاول على قد ما أقدر إني أكون خفيفة، أنفع ما أضرش، أسعد وما احزنش ولا ازعل، أرضي وما أذيش، أجبر وما أكسرش حد نهائي أكون خفيفة الظل والقلب على الكل، طيبة الذكر وحسنة الأثر والمعشر والسمعة؛ علشان لما ربنا يأذن في يوم وأمشي وأختفي، محدش يفتكرني غير بكل خير، واسمي وسيرتي يجيبوا البهجة والفرحة للقلوب لما يتذكروا نفسي اوي اكون سبب في سعادة وفرحة الناس والله ربنا واحده عالم قد إيه أنا عمري ما تمنيت إني أشوف حد أعرفه أو ما عرفهوش زعلان أو فيه أي حاجة وحشة، بحس إن زعل الناس ده مسؤوليتي أنا إني أغير من مودهم ولو بكلمة بسيطة، حتى والله بتفرق أوي. وطول عمري بحاول أعامل الناس بنفس الطريقة اللي أتمنى إني أقابل حد يعاملني بيها، ودايماً بخاف على مشاعر كل اللي حوليا حتى ولو كان على حساب نفسي وحساب مشاعري، ويمكن اللي اتعامل معايا بجد أو يعرفني هيفهم أنا بتكلم عن إيه؛ لأنه أكيد شاف ده مني أكيد والحمد لله مفيش أي حد اتعامل معايا إلا وحاولت على قد ما أقدر أزرع جواه حاجة ليا خاصة بيا تكون ذكرى كويسة، سواء كانت مواساة لطيفة، موقف جدعنة، دعوة جميلة من القلب، أي حاجة المهم أحس إني سبت أثري جوه قلبه على قد ما اقدر. بس برضه أوقات كتيرة أوي بخاف، بخاف أوي من فكرة إني ممكن أكون ظلمت حد في يوم، أو أذيت أو جرحت مشاعر حد، ولو حصل فـ والله ما كانت إلا سهواً وبدون قصد وأتمنى من أي حد يشوف الفيديو ده ولو قرأ الكلام ده ووصل لحد هنا ياخد باله من الكلمتين دول، سواء كان يعرفني بقى أو ما يعرفنيش: أنا أختك في الإسلام، تعرفيني او ما تعرفينيش، أتمنى بجد تدعي لي دايماً بالرحمة، سواء كنت موجودة أو رحلت أو اختفيت عموماً. وأسأل الله أن ينظر في أمر قلوبنا، وينولنا مبتغانا جميعاً ومطالبنا، ويراضي قلوبنا من حيث لا نحتسب. وأسأل الله العلي العظيم رب العرش العظيم أن يحسن ختامنا، ويصلح لنا ديننا الذي هو عصمة أمرنا، وما يقبضش أرواحنا غير وهو راضٍ عني وعنكم، ويرزقنا الجنة بغير حساب ولا سابق عذاب.. يارب.🤍❤️🩹 #كل_نفس_ذائقةالموت #صدقة_جارية #قران #quran #fyp
