ئەمە تەنها گۆرانیەک نیە، بەڵکو گەشتێکی ڕۆحیە کە تێیدا مرۆڤ لەوپەڕی بێئومێدی و لاوازییەوە ڕوو دەکاتە هێزێکی باڵاتر کە خودایە بابەتی گۆرانییەکە باس لە نیاز و پاڕانەوەی مرۆڤێکی شەکەت و ماندوو دەکات لەبەردەم خودایەک کە وەک تاکە پەناگە دەیبینێت، داریوش لەم گۆرانییەدا ڕۆڵی کەسێک دەگێڕێت کە لە هەموو شتێک دۆڕاوە و دەیەوێت لە ڕێگەی نزا و سکاڵاوە ئارامی بۆ ڕۆحی بگەڕێنێتەوە داریوش دەخوازێت بڵێت مرۆڤ لە هەندێک وێستگەی ژیاندا هێندە لاواز دەبێت کە تەنیا خودا دەتوانێت دەستی بگرێت. (وەک دەڵێت: "بۆ گەڕانەوە لەو پەڕی نەبوون، پێویستم بە تۆیە") پەیامێکی بەهێزی گۆرانییەکە پرۆسەی "تەوبە" یان چاکبوونەوەیە. داریوش خۆی ئەزموونی ڕزگاربوون لە ئاڵوودەبوونی هەبووە، بۆیە ئەم گۆرانییە وەک هێمایەک بۆ دوبارە لەدایکبوونەوە و پاکبوونەوەی ڕۆح دەبینرێت. لە شیعرەکەدا هەستێکی قووڵی نامۆبوون لە جیهان بەدی دەکرێت، داریوش دەیەوێت بڵێت لە دنیایەکدا کە هەمووی "درۆ و تەمە"، تەنیا پەیوەندییەکی ڕاستگۆیانە لەگەڵ سەرچاوەی بوون کە خودایە دەتوانێت مرۆڤ ڕزگار بکات #داریوش_اقبالی #داڤێڵ - @davell_x