@den.v3r: هەندێک جار نەفامیی مرۆڤ دەگاتە ئاستێک، ڕەخنە لەو شوێنە دەگرێت کە دەستی مرۆڤی تێدا نییە. زۆر بە سادەیی، کاتێک تۆ ڕەخنە لە ڕەنگ، ڕوخسار، یان شێوەی جەستەی مرۆڤێک دەگریت، لە ڕاستیدا تۆ ڕەخنە لەو نیگارکێشە دەگریت کە ئەم تابلۆیەی نەخشاندووە! ئەمە نەک هەر بێڕێزییە بەرامبەر بە پیرۆزییەکانی خودا، بەڵکو نیشانەی پووچیی فیکری و ئەخلاقیی ئەو کەسەیە کە ڕەخنەکە دەگرێت. جەستە و ڕوخسار هەڵبژاردن نین تا مرۆڤ لەسەری سزا بدرێت یان تانەی لێ بدرێت؛ ئەوە قەدەری خوداییە. بۆچی ڕەخنەکەت پووچە؟ چونکە تۆ هێرش دەکەیتە سەر شتێک کە بەرامبەرەکەت نە دروستی کردووە و نە دەتوانێت بیگۆڕێت. ئەگەر زۆر جوامێریت، ڕەخنە لە کار، بیرکردنەوە و ڕەفتاری مرۆڤەکان بگرە، چونکە ئەمانە بەرهەمی ئیرادەی خۆیانن. بەڵام ڕوخسار؟ ئەوە تەنها تاقیكردنەوەیەكە بۆ ئاستی تێگەیشتنی تۆ. پێش ئەوەی زمانت بۆ تانەدان لە شێوەی کەسێک بجوڵێنیت، بیر بکەرەوە کە تۆ بەمە شکۆ و کەرامەتی کەسێک دەشکێنیت لەسەر شتێک کە هیچ تاوانێکی تێدا نییە. خودا جوانە و هەموو دروستکراوەکانیشی حیكمەتێکیان تێدایە. با فێری ئەوە بین سەیری ناخ بکەین، چونکە ڕوخسارەکان هەموو ڕۆژێک لە گۆڕاندان، بەڵام ئەخلاق و مرۆڤایەتییە کە دەمێنێتەوە. بێدەنگ بن لە ئاست تانەدان لە دروستکراوەکانی خودا؛ چونکە هیچ مرۆڤێک بە هەڵبژاردنی خۆی نەهاتووەتە ئەم دوونیاوە. دێنڤێر. … شێرکۆ بێکەس، بوشرا کەسنەزانی، فەرەیدون هیرانی، ئیبراهیم بێ شێخ. #foryou #fyp #tiktok

دێنڤێر

Open In TikTok:

Region: IQ

Saturday 04 April 2026 20:19:04 GMT