နင် ငါ့ကို Block လိုက်တဲ့အချိန်မှာ ငါတို့ရဲ့ ဇာတ်လမ်းက နိဂုံးမချုပ်ရသေးဘူး။ ငါ့မှာ ပြောပြချင်တဲ့ အကြောင်းအရာတွေ၊ ရှင်းပြချင်တဲ့ အမှားတွေနဲ့ နင့်အတွက် ပုံဖော်ထားတဲ့ အနာဂတ်တွေ အများကြီး ကျန်သေးတာ။ ဒါပေမဲ့ နင်ကတော့ စာကြောင်းတစ်ကြောင်းတောင် အဆုံးသတ်ခွင့်မပေးဘဲ ငါ့ရှေ့က တံခါးကို ဝုန်းခနဲ ပိတ်ချသွားခဲ့တာပဲ။ Block ခံရတယ်ဆိုတာ လူချင်းဝေးတာထက် ပိုနာကျင်တယ်။ ဖုန်းစခရင်ပေါ်မှာ နင့်ပုံလေး ကြည့်ခွင့်မရှိတော့တာ၊ နင် ဘာတွေလုပ်နေလဲ သိခွင့်မရှိတော့တာက ငါ့ကမ္ဘာကြီးကို မှောင်အတိ ကျသွားစေတယ်။ နင်ကတော့ ငါ့ကို မြင်ကွင်းထဲက ဖယ်ထုတ်လိုက်နိုင်ပေမဲ့ ငါကတော့ အလင်းမရှိတဲ့ အခန်းထဲမှာ နင့်ကို သတိရခြင်းတွေနဲ့တင် ပိတ်မိနေခဲ့ပြီ။ ဘာလို့လဲ? ဘာကြောင့်လဲ? ငါ ဘာမှားသွားလို့လဲ? ဒီမေးခွန်းတွေက ငါ့ခေါင်းထဲမှာ အဆက်မပြတ် ပေါ်နေပေမဲ့ နင်ကတော့ အဖြေပေးမယ့်လမ်းကို ပိတ်သွားခဲ့ပြီ။ Block ခံရတဲ့ ခံစားချက်က အသက်ရှူရတာ မဝသလိုပဲ။ တစ်ဖက်က အေးဆေးဖြစ်သွားချိန်မှာ ကျန်ရစ်သူကတော့ နာကျင်မှုတွေနဲ့ ရူးသွပ်နေရတာ ခံဖူးသူမှ သိနိုင်မယ့် ငရဲတစ်ခုပါပဲ။ ရာသီဥတုတွေ တစ်ခါပြောင်းတိုင်း နင့်ကို ပိုသတိရရုံပဲ ရှိတယ်။ လောကကြီးမှာ အချိန်က အရာရာကို ကုစားပေးနိုင်တယ်ဆိုတာ ငါ့အတွက်တော့ မှားနေသလားပဲ။ အပြင်မှာ နွေ၊ မိုး၊ ဆောင် အလီလီ ပြောင်းလဲသွားပေမဲ့ ငါ့ရဲ့ ကမ္ဘာငယ်လေးထဲမှာတော့ နင်နဲ့ လမ်းခွဲခဲ့တဲ့ အဲဒီနေ့မှာတင် အချိန်တွေက ရပ်တန့်နေခဲ့ပြီ။ တစ်ဆစ်ဆစ်နဲ့ နာကျင်နေတဲ့ ဒီရင်ဘတ်က နင့်အမှတ်တရတွေကို မေ့ပစ်ဖို့ ငြင်းဆန်နေတုန်းပဲ။ မျက်စိမှိတ်လိုက်တိုင်း နင့်အပြုံးတွေ၊ နင့်စကားသံတွေက ငါ့နားထဲမှာ ပဲ့တင်ထပ်နေတုန်းပဲ။ အတိတ်ဆိုတာ ပြန်ပြင်လို့မရတဲ့ အမှားတစ်ခုဆိုရင် နင်နဲ့ ပတ်သက်ခဲ့သမျှ အရိပ်တွေက ငါ့ကို နေ့နေ့ညည ခြောက်လှန့်နေတဲ့ အိပ်မက်ဆိုးတွေပေါ့။ နင်ကတော့ အသစ်တွေနဲ့ ပျော်နေလောက်ပြီဖြစ်ပေမဲ့ ငါကတော့ ငါတို့နှစ်ယောက် အတူတူ ထိုင်ခဲ့ဖူးတဲ့ အတိတ်ရဲ့ ထောင့်ကျိုးလေးထဲမှာပဲ အမြဲတမ်း သတိရခြင်းတွေနဲ့ ပိတ်မိနေခဲ့တယ်။ ဒီမှာ အလုပ်လုပ်ရင်း ပင်ပန်းတဲ့အခါတိုင်း နင့်ဆီက နွေးထွေးမှုလေး တစ်ခုလောက်ပဲ ငါ မျှော်လင့်ခဲ့တာ။ အခုတော့ နွေးထွေးမှုဆိုတာထက် နင်ပေးခဲ့တဲ့ အေးစက်စက် အမှတ်တရတွေကပဲ ငါ့ကို ဝါးမြိုနေပြီ။ ခံစားဖူးသူမှ သိနိုင်မယ့် ဒီတစ်ဆစ်ဆစ် နာကျင်မှုက ငါ့ဘဝရဲ့ နေ့ရက်တိုင်းကို အရောင်မှိန်စေတယ်။ နင် မရှိတော့တဲ့နောက်ပိုင်းမှာ ငါ့ရဲ့ အနာဂတ်ဆိုတာကြီးကလည်း အဓိပ္ပာယ်မဲ့သွားသလိုပဲ။ နင်နဲ့ ပတ်သက်သမျှ အရာရာကို မြင်ယောင်တိုင်း ရင်ဘတ်ထဲမှာ ဆူးနဲ့ ထိုးသလိုပဲ။ အမြဲတမ်း သတိရနေပါတယ်ဆိုတဲ့ စကားက နင့်အတွက်တော့ ရိုးအီနေနိုင်ပေမဲ့ ငါ့အတွက်တော့ သွေးစိမ်းရှင်ရှင် ထွက်နေတဲ့ ဒဏ်ရာတစ်ခုပါ။ ငါတို့ လမ်းခွဲခဲ့ကြပြီဆိုပေမဲ့ နင့်အပေါ်ထားတဲ့ ငါ့ရဲ့စေတနာကတော့ ဘယ်တော့မှ အရောင်မပြောင်းပါဘူး။ ငါ့ဘက်က နင့်ကို နွေးထွေးမှုတွေ အပြည့်အဝ မပေးနိုင်ခဲ့လို့ နင် ကျောခိုင်းသွားတာဆိုရင်လည်း နင့်ကို နားလည်ပေးပါတယ်။ ငါမရှိတော့တဲ့ နင့်ရဲ့ ရှေ့ဆက်မယ့် နေ့ရက်တိုင်းမှာ ငါ့ထက်သာတဲ့သူနဲ့ ဆုံပြီး အရာရာတိုင်း အဆင်ပြေချောမွေ့ပါစေ။ ငါ့ကို မေ့ပစ်လိုက်ပါ... ဒါပေမဲ့ နင့်ရဲ့ ဘဝသစ်မှာတော့ စိတ်ဆင်းရဲစရာတွေ လုံးဝမရှိဘဲ အရာရာတိုင်း အဆင်ပြေပါစေ။ နင် ရည်မှန်းထားတဲ့ အိမ်မက်တွေအားလုံး လက်တွေ့ဖြစ်လာပါစေလို့ အဝေးကနေပဲ အမြဲ ဆုတောင်းပေးနေမယ်။ တစ်ယောက်က စောင့်နေခဲ့တယ်ဆိုတာကို နင် ကျောခိုင်းသွားနိုင်ပေမဲ့ ငါ့ရဲ့ ဆုတောင်းတွေကတော့ နင့်နောက်မှာ အမြဲ အရိပ်လို လိုက်နေမှာပါ။ ငါ့ဆီက မရခဲ့တဲ့ ပျော်ရွှင်မှုတွေ အဲဒီလူဆီကနေ ရပါစေ။ နင့်ရဲ့ ဘဝခရီးလမ်းမှာ ဆူးခင်းတဲ့လမ်း မဟုတ်ဘဲ ပန်းခင်းတဲ့လမ်းပဲ ဖြစ်ပါစေ။ အရာရာတိုင်း အဆင်ပြေပါစေ "ရှိခဲ့ဖူးတဲ့ တစ်ယောက်သောသူ" ရေ...။☺ - @sawsunmoon3