Ma jiro eray ku filan oo aan kugu sharxi karo jacaylka iyo dareenka aan kuu qabo, sababtoo ah jacaylkaygu ma aha mid la cabbiri karo, mana aha mid ku eg maalin ama waqti kooban. Waa dareen qoto dheer oo ku dhex jira qalbigayga, mid aan marna libdhin ihi mid aan waligiis dhammaan doonin oo aan adiga kuu hayo. Markaan ku arko, qalbigeygu wuxuu dareemaa deganaan aanan hore u aqoon, indhahayguna waxay helaan iftiin ka duwan kii hore, naftayduna waxay ogaataa in ay heshay qofkii ay muddo dheer raadineysay. Adigu waxaad tahay riyada ii rumowday, farxadda igu dhalata anigoon sabab gaar ah haysan, iyo qofka iga dhiga inaan hilmaamo daalka iyo murugada nolol maalmeedka. Markasta oo aan kula joogo, waqtigu wuxuu noqdaa mid macaan oo aanan rabin inuu dhammaado. Qosolkaaga waa muusig qalbigayga ku luuqeeya, hadalkaagana waa degganaanta aan mar walba u baahnaa. Waxaan ku jeclahay si ka duwan sida erayadu tilmaamayaan, si ka weyn sida qalbigu u qaadi karo, si ka sii dheer sida waqtiyadu u socdaan. Haddii dunidu igu soo koobanto adiga iyo aniga oo keliya, wali waan ku qanacsanaan lahaa, maxaa yeelay adiga ayaa ii ah wax walba. Adiga ayaa ah rajadayda, himiladayda, iyo mustaqbalka aan rabo inaan kula wadaago. Ma jiro qof kale oo buuxin kara booska aad qalbigayga kaga jirto. Adigu waxaad tahay qofka aan u doortay noloshayda, qofka aan u hibeeyay jacaylkayga oo dhan, qofka aan doonayo inaan la qaato daqiiqad kasta oo ii harsan. Haddii aan mar kale nolol bilaabi lahaa, mar kale adiga ayaan dooran lahaa mar walba, mar kasta, adiga oo keliya. Waxaan rabaa inaan kula wadaago farxad kasta, murugo kasta, riyo kasta iyo xaqiiqo kasta. Waxaan rabaa inaan noqdo qofka ku garab istaaga markaad tabar dareyso. qofka kula qosla markaad faraxsan tahay, iyo qofka kuu noqda hoy marka dunidu kugu adkaato. Jacaylkaygu waa ballan ballan aan ka noqon doonin, ballan aan marna jabin doonin.♥️ - @omarrr411