@muhudinali0: 8-April-2026 Muqdisho, Soomaaliya, Waxaa Maanta Ka Qeyb Galnay Aniga Iyo Wasiirkeyga kulan muhiim ah oo ku saabsan isku-dubaridka mashruuca BAXNAANO (BOOST-YOU), kaas oo diiradda saaraya horumarinta ilaalinta bulshada iyo abuurista fursado shaqo ee dhalinyarada Soomaaliyeed. Kulankan Ayaa ka dhacay magaalada Muqdisho Waxaa Daah furay Wasiirka Wasaaradda Shaqada iyo Arrimaha Bulshada DFS, Mudane Xildhibaan Prof. Salim Alio Ibrow, oo si rasmi ah u daah-furay shirka, isagoo carrabka ku adkeeyay muhiimadda ay leedahay xoojinta iskaashiga Dowladda Federaalka iyo Dowlad Goboleedyada si loo gaaro horumar waara. Kulanka waxaa ka soo qeyb galay Wasiirrada Shaqada Iyo Agaaasimayaasha Guud ee Dowlad Gobaled-yada, kuwaas oo door muhiim ah ka qaadanaya hirgelinta iyo isku xirka barnaamijyada shaqo-abuurka iyo ilaalinta bulshada ee heer Federal iyo heer dowlad goboleed. Ujeeddada kulanka ayaa ahaa xoojinta wada-shaqeynta u dhaxeysa Dowladda Federaalka iyo Dowlad Goboleedyada, si loo dardar geliyo hirgelinta mashruuca BAXNAANO, loona hubiyo in bulshada nugul ay helaan taageero joogto ah, isla markaana dhalinyarada loo abuuro fursado shaqo iyo horumar dhaqaale. Muhudin Ali Mohamud Agaasimaga Guud ee Wasaarada Shaqada Iyo Arimaha Bulshada Dowladda Hirshabelle. #foryoupage #somalitiktok #teamschool

Muhudin Lixle

Open In TikTok:

Region: SO

Wednesday 08 April 2026 13:30:49 GMT