@tn_0li: نوران : خلصنا ورحنا كعدنه نتعشه بالمطعم ام محمد : اكلج ام نوران شنو رئيج اسبوع الجاي يوم الجمعه نسوي الخطوبه ام نوران : ايي هاهيه أن شاءالله نوران : خلصنا اكل وكمنه حتى نطلع مااحس اله واحد لزم ايدي انداريت وطلع محمد نوران : ها محمد شبيك محمد : يمه روحو للسياره هسه نجي بس اريد احجي ويه نوران شويه ام محمد : تمام يمه نوران : شبيك محمد عيب شتريدد محمد : نوران تحبيني ؟؟ نوران : هااااا محمد : شنو هااا داكولج تحبيني نوران : الصراحه اييييي من اول مره شفتك حبيتك ودخلت كلبي محمد : اتقربت وحضنتها بكل قوتييي ... لجج نورايتي اني اعشكج مو بس احبجج نوران : دوخرر محمد عيب يلا امشي للسياره فشله محمد : تمام يلا امشي .. لزمت ايدها ورحنه صعدنه بالسياره نوران : وصلت للبيت ميته تعب كبل نمت (صار يوم الخطوبه) نوران : كعدت الصبح سبحت وبدلت وتريكت ورحنه للصالون اني وامي واخواتي واخوات محمد وخالتي هم راحت . خل اعرفكم على خالتي : خالتي اسمها سكينة وزوجها رحيم بناتها هدى وفاطمة وعدها هم بس ولد واحد اسمه سجاد نوران : سويت شعري ويڤي وهوه طويل طلع يخبل وسويت مكياج مو كلش طوخ ولبست القفطان الابيض طلعت كلش حلوة سكينة : اللهم صلى على محمد وال محمد طالعه تخبلين نوران : تسلمين خاله ميسم : لج شطالعه تموتين هنيال اخوي عليج .. نوران : يعمري والله خجلتوني تدرون بيه استحي ميسم : فدوه للتستحي نوران : خلصنا ورحنا لبيت محمد . وصلناا للبيت .. شفت يم باب البيت لافته كبيره مكتوب عليها اسمائنا اني ومحمد نوران : شنو هالقصة هاي شنو ليش مخليها كبال الباب ميسم : هذا اخوي العاشق يريد كلها تعرف راح يخطب وهوه الي خلاها نوران : هذا اخوج مخبل مو عاشق ميسم : يمعوده اسكتي لحد يسمعنه . امشي يلا خل ندخل شوفي الترتيبات والديكور والكوشه تجنن نوران : تمام .. دخلت وجانت الكوشه والديكور يجنن ماشاءالله فاطمة : هلاووو حبيبتي نوران شلونج نوران : لج هلا بفطومم الحمدالله انتي شلونج فاطمة : الحمدالله نوران : لجج فطيم ليش مااجيتي للصالون وياي فاطمة : والله مكدرت أن شاءالله بالعرس اروح وياج نوران : تمامم .. مشتاقين شنو هالغيبه ماتبينين فاطمة : اي والله دوام وامتحانات .. صدككك الف الف مبروووك سبع سعادات أن شاءالله زواج الدهر حبيبتي .. نوران : يعمريي تسلمين نوران : طبعا فاطمة جانت لابسة فستان مخصر بنفسجي يجننن حرفياا هيه طالعه تخبل وره شويه اجه محمد وعمامي وخوالي واجه الشيخ وبده يعقد واني كلش متوتره وخايفه ماعرف ليش .. الشيخ : نوران علي .... هل تقبلين بـ محمد حسام زوجا لك ... على المهر المطلوب .. فأن قبلتي قولي نعم وانت وكيلي . نوران : نعم وانت وكيلي .. عادها ثلاثة مرات وبعدهي راح لـ محمد الشيخ : يا محمد حسام ... هل تقبل بـ نوران علي . زوجتاً لك فأن قبلت قول نعم قبلت التزويج .. محمد : نعم قبلت التزويج الشيخ : الف مبرووك شايفين كل الخير بدت الهلاهل والهوسات وره شويه دخل محمد ورفع هاي البرنص مدري شيسموه هذا الي ينحط فوك الراس جان شايل بوكية ورد تجنن وجان كاتب عليها عباره ( ياحبيبة قلبة محمد وعيونة ) دخل وانطاني البوكية .. وصل صافن عليه محمد : رفعت هاي من فوك رأسها وشفتهاا طالعه تخبل ملاك ونازل من السما شنو من عيون شنو من شعرر شنو من جسم طالعه بيضه ثلج تضوي نوران : شالها عني واني اشوفه لابس قاط رسمي اسود وعيونه ملونات يجنن وشعره الاسود يخبل محمد : بنيتي شطالعه شنو هالكمرر الي يضوي نوران : شكراا محمد : أكلج منا ورايح لازم تصيحيلي حبيبي وتلقبين اسمي شنو ميصير هيج تره شنو هالجفاف ولا كأنما اثنين مخطوبين نوران : يعني شتريدني اصيحلك مثلا محمد : صيحيلي حبيبي أو حمودي نوران : تمام حبيبي محمد : كالت حبيبي واني كلبي طاير من الفرح محمد : عيونه لحبيبج نوران : يلا كافي تره استحي والله المهم لبسته الحلقه وهوه هم لبسني حلقه والكل يهوس ويهلهل وميسم جانت جايبه مصوره صديقتها صورتنه اني ومحمد كومة صور واني وأهلي هم أخذنه كومة صور وانوب هاي المصوره تخبلت من كالتله : المصوره : يلا عيني بوسها حتى اخذلكم صوره نوران : هذا ماصدك كام يباوع عليه وغمزلي واني باوعت عليه اشرتله براسي (بمعنى لا ) محمد : شفت نوران توترت وماردت أحرجها ف بستها من راسها نوران : شفت الكل داياخذون صور بقت بس فاطمة مااخذت وياي شفت فاطمة كاعده واشرتلها صحتها فاطمة : نوران صاحتلي وكمت حتى اشوفها فاطمة : ها نونه نوران : تعاي خل ناخذ اني وياج صوره نسيت مااخذت وياج فاطمة : يلا ليش لا .. اخذنه صور اني وياها ومحمد هم وكف ويانه نوران : خلصنه تصوير .. محمد لزم ايدي وكال : محمد : شنو رأييچ نركص نوران : تمام يلا راح لام الديجي ماادري شنو كاللها بس وره شويه فتحت اغنية مال اليسا ع بالي حبيبي وكمنه نركص اني ومحمد خله أيده على خصري واني خليت ايدي على صدره والأنظار كلها علينا #لايك #روايات #العراق #قصص #غموض

الكـاتبة سـرو

Open In TikTok:

Region: IQ

Wednesday 08 April 2026 17:31:27 GMT