@federalistsparty: 🇬🇪 9 აპრილი საქართველოს თანამედროვე ისტორიის ერთ-ერთი ყველაზე ტრაგიკული და ამავდროულად, ყველაზე ტრიუმფალური დღეა. დღე, როდესაც საქართველოს დამოუკიდებლობის იდეისთვის თავგანწირულმა საზოგადოებამ შიშველი ხელებით დაამარცხა რუსული ტანკები და საბჭოთა ოკუპაცია. ამ დღის შემდეგ გადატყდა საბოლოოდ კომუნისტური პარტია საქართველოში და დაიწყო მზადება ეროვნული დამოუკიდებლობის აღსადგენად. 1991 წლის 31 მარტს საქართველოს მთელ ტერიტორიაზე ჩატარებულ რეფერენდუმში დამოუკიდებლობის აღდგენას 3,3 მილიონმა საქართველოს მოქალაქემ დაუჭირა მხარი. საბოლოოდ, 1991 წლის 9 აპრილს ზვიად გამსახურდიამ 31 მარტის რეფერენდუმის შედეგებისა და 1918 წლის 26 მაისის დამოუკიდებლობის აქტის საფუძველზე საქართველოს დამოუკიდებელი სახელმწიფოებრიობის აღდგენა გამოაცხადა. ეს არ იყო მხოლოდ ამ დღის შემოქმედი თაობის გამარჯვება, არამედ ეს იყო ყველა იმ სახელოვანი ქართველის გამარჯვება, ვინც შექმნა თანამედროვე ქართველი ერის იდენტობა, ვინც ის 1918 წელს სახელმწიფოდ გარდაქმნა და ვინც მას საბჭოთა ოკუპაციის წლებში სიცოცხლე შესწირა. 37 წლის შემდეგ საუკუნოვანი თავგანწირვით მოპოვებულ დამოუკიდებლობას ემუქრება სწორედ ბიძინა ივანიშვილის კრიმინალური რეჟიმი. საქართველოს დამოუკიდებლობა საფრთხეშია, რადგან ის ვერ გადარჩება ივანიშვილის რუსულ დიქტატურაში. ის ვერ გადარჩება იზოლაციაში, ძლიერი მოკავშირეების გარეშე, მარტო დარჩენილი რუსული ურჩხულის პირისპირ. სწორედ ამიტომ ვგეგმავთ ფედერალისტები, ოპოზიციის ალიანსთან ერთად მასშტაბურ შეკრებას 26 მაისს ( https://shorturl.at/h2pWp ), საქართველოს დამოუკიდებლობის დღეს, რათა 31 მარტის ისტორიული რეფერენდუმის მსგავსად, დამოუკიდებლობის იდეის გარშემო ეროვნული მობილიზაციის პროცესი დავიწყოთ, რომელიც საბოლოოდ წააქცევს მოღალატე რეჟიმს და დააბრუნებს ქვეყანას განვითარების ისტორიულ გზაზე. 9 აპრილის შესახებ კი გთავაზობთ ნაწყვეტს ფედერალისტების ფილმიდან “ურჩხულის არ ეშინია ერთიან საქართველოს” (სრული ფილმის ბმული კომენტარებში).

2653

2026-04-09 07:14:17

To see more videos from user @federalistsparty, please go to the Tikwm homepage.