@nationalmuseumkz: Ыстанбұл қаласындағы Түрік және ислам өнері музейінде «Оғыз феномені: Ұлы Даладан Анадолыға дейін» атты халықаралық конференция мен ауқымды көрме жоғары деңгейде өтті. Бұл тағылымды іс-шара Ұлы Дала мен Анадолы арасындағы тарихи-мәдени сабақтастықты айшықтап, түркі өркениетінің терең тамырларын қайта зерделеуге мүмкіндік берді. Іс-шара ТҮРКСОЙ халықаралық ұйымының және Қызылорда облысы әкімдігінің қолдауымен, Қазақстан Республикасы Ұлттық музейі мен Қызылорда облыстық тарихи-өлкетану музейінің бірлескен ұйымдастыруымен өтті. Атаулы көрме келішілеріне Қазақстан Республикасы Ұлттық музейінің құнды экспонаттары ұсынылып қана қоймай, Қызылорда, Ақтөбе және Атырау облыстық тарихи-өлкетану музейлерінің қорларынан алынған бірегей артефактілер мен Түркия музейлерінің оғыздардың Анадолы кезеңіне қатысты жәдігерлері қойылды. Жалпы саны 278 құнды бұйымды қамтыған экспозиция көрермендерді түркі халықтарының бай тарихи мұрасымен тереңірек таныстырды. Конференция мен көрменің салтанатты ашылуына ТҮРКСОЙ ұйымының Бас хатшысы Сұлтан Раев, ҚР Парламенті Сенатының депутаты Руслан Рүстемов, Қазақстанның Түркиядағы Бас консулы Аманқұл Нұриддинов, Түркияның Мәдениет және туризм министрлігінің департамент директоры Бироль Инджеджикоз, ҚР Ұлттық музейінің директоры Берік Әбдіғалиұлы сондай-ақ қатысты. Пленарлық отырыс барысында ғалымдар оғыз тайпаларының шығу тегі мен тарихи рөлін жан-жақты талдап, олардың қазіргі түркі өркениетіне қосқан үлесін саралады. Сондай-ақ Анадолы аумағындағы археологиялық зерттеулер, Жанкент және басқа да Сырдарияның төменгі ағысындағы ортағасырлық қалалардың урбанизациялық үдерістері туралы мазмұнды баяндамалар жасалды. Жаңа археологиялық деректер ұсынылып, музей ісінің заманауи тәжірибелері талқыланды, ғылыми пікір алмасу өріс алды. Көрме экспозициясында оғыз дәуіріне тиесілі сирек әрі құнды археологиялық жәдігерлер көпшілік назарына ұсынылып, түркі халықтарының ортақ тарихи-мәдени мұрасы кеңінен дәріптелді. Көремеге көзайым болғыларыңыз келсе маусым айының соңына дейін мүмкіндіктеріңіз бар.

568

There are no more comments for this video.

To see more videos from user @nationalmuseumkz, please go to the Tikwm homepage.