@ingazcenter: عارفة إن طفلك لو ما بيعرفش يقلدك في 'باي باي' أو يقلد صوت القطة.. غالباً هيتأخر في الكلام؟ 🤔" التقليد يا مامي هو "العمود الفقري" للغة. الطفل قبل ما بيتكلم، لازم يتعلم يقلد: 1️⃣ الحركات الكبرى: (زي خبط الأيد أو التسقيف). 2️⃣ الحركات الدقيقة: (زي حركة الشفايف واللسان). 3️⃣ الأصوات: (هنا بقى بتبدأ أول خطوة في الكلام الحقيقي). لو طفلك عنده مشكلة في التقليد، يبقى عنده مشكلة في الانتباه والتواصل، وده اللي بنشتغله في جلساتنا بأسلوب التعلم باللعب اللي بيخلي الطفل يقلدنا وهو مستمتع ومن غير ضغط. 🤗🎨 وعشان تبدأي معاه فوراً، جربي معاه ألعاب زي اللعب بالعرايس' او 'لعبة المراية' في البيت:' اقعدي قدامه والعبوا بالأصوات والحركات البسيطة، لو سقف سقفي زيه، ولو طلع صوت قطة قلديه.. لما الطفل بيشوفك بتقلديه، بينتبه ليكي أكتر وبيتحمس هو كمان يقلد حركاتك وكلامك.. ده أول وأهم تمرين لفتح باب الكلام #طيف_التوحد#ذوي_الاحتياجات_الخاصة #تخاطب #د_ليلي_نصر #تنمية_مهارات
