@karakiya_ms: Жаңа заманның жас экобатырлары: ақтаулық оқушылар «Таза Қазақстан» науқанына атсалысты Бүгін, 11 сәуір күні Ақтау қаласында «Таза Қазақстан» жалпыұлттық бастамасы аясында ауқымды сенбілік өтті. Аталған іс-шараға қала тұрғындарымен қатар жасөспірімдер мен балалар да белсенді қатысып, тазалық жұмыстарына өз үлестерін қосты, деп хабарлайды Қоғамдық коммуникация орталығы. Ұйымдастырушылардың айтуынша, табиғатты аялау мен қоршаған ортаны қорғау сияқты құндылықтар балалық шақтан қалыптасады. -Бүгінгі акция қазіргі ұрпақтың саналы, жауапты әрі белсенді екенін көрсетті. Балалардың табиғатты қорғауды өз міндеті деп қабылдауы қуантады, - деді сенбілікке қатысушылар. Шынында да, бұл жолғы тазалық шарасына ата-аналарымен бірге көптеген оқушылар келді. Олар сенбілікте жауапкершілік пен табиғатқа қамқорлықтың жарқын үлгісін көрсетті. Атап айтқанда, Мұнайлы ауданындағы №5 мектептің мұғалімі Замира Утешева өз ұлы, 5-сынып оқушысы Бердіқұл Рақымжанмен бірге қатысты. Сондай-ақ, банк қызметкері Жанна Попова 4-сыныпта оқитын ұлы Артемді ертіп келді. Ұлттық банк қызметкерінің баласы Алижан Тұяқов анасының жанында болып, сенбілікке белсенді атсалысты. Сонымен қатар, бірінші сынып оқушысы 6 жасар Кубенов Мардан анасы Гүлнара Алибековнамен бірге қатысты. 10 жасар Лугинин Артём де ағасы Андрей Казанскиймен бірге тазалық жұмыстарына белсене үлес қосты. Іс-шара Каспий теңізі жағалауында «Самал-1» шағын ауданынан бастап 15 шағын аудандағы амфитеатрға дейінгі аумақта өтті. -Бүгін ата-анасының жанында жүріп, табиғатқа жанашырлық танытқан Әлижан, Артем және Рақымжан секілді жеткіншектер – ертең ел тізгінін ұстайтын азаматтар, - деді ұйымдастырушылар. Осылайша, үлкендер мен балалардың бірлесе атқарған жұмысының нәтижесінде жағалау аумағы, кәсіпкерлік нысандардың маңы және қоғамдық орындар қоқыстан толық тазартылды. -Баланың табиғатқа деген сүйіспеншілігі осындай ортақ істен басталады. Біз бүгін тек жағалауды тазалап қана қоймай, балаларымыздың бойына туған жерге деген құрметті сіңіріп жатырмыз, - деді ұйымдастырушылар. Алдағы уақытта да ата-ана мен қоғам өкілдері балаларға дұрыс тәрбие беріп, адами құндылықтарды бойларына дарытуға ерекше мән беруі тиіс. Себебі жас ұрпақ ең алдымен үлкендердің іс-әрекетіне қарап өседі. Сондықтан әрқайсымыз өз әрекетімізбен жас буынға үлгі болып, табиғатты қорғау мәдениетін бірге қалыптастыруымыз қажет. #ТазаҚазақстан #ТазаОрта

Қарақия мәдениет-спорт

Open In TikTok:

Region: KZ

Monday 13 April 2026 05:46:44 GMT