@didasshills: Ee Mungu wangu uliye hai, Ninaliinua jina lako juu ya maisha yangu. Kwa imani nasema, siku yangu ya ushindi inakuja! Nitapiga kelele za furaha, nitashangilia mbele zako, Kwa maana utafanya mambo makuu yasiyoelezeka. Kila kilichochelewa, na kiwahishwe kwa jina lako, Kila kilichofungwa, na kifunguliwe kwa uwezo wako. Ninapandikiza sauti ya ushindi ndani ya roho yangu, Na tangazo langu ni hili: Siku nitakayobarikiwa, dunia itasikia shangwe zangu! Ninakataa huzuni, ninakataa kushindwa, Nachagua furaha, nachagua ushindi. Maana wewe si Mungu wa kuniacha, Bali wa kuniinua na kunitangaza mbele za watu. Kuanzia leo, naishi kama mshindi, Na nitapiga kelele na kushangilia, Kwa sababu baraka zangu ziko njiani!