@hadeerelfouly1: مفيش حاجة اسمها "أنا بعرف أصمم… لو حد محتاج ديزاينر يكلمني" وفاكرة إن كده الشغل هيبدأ ينزل عليكي :) خلّينا نتكلم بصراحة… سوق الجرافيك بقى مليان جدًا وفي كل يوم فيه ناس جديدة بتتعلم، وناس بتنزل شغل، وناس بتحاول تدخل المجال فمجرد إنك تقولي "أنا جرافيك ديزاينر" ده لوحده مش كفاية خالص لأن العميل ببساطة عنده سؤال واحد: وأنا هستفيد إيه لما أشتغل معاكي؟ مش مهم عنده إنتي بتحبي التصميم قد إيه ولا قد إيه نفسك تشتغلي هو عايز يعرف: إنتي بتعملي إيه بالظبط؟ شغلك مناسب لمين؟ وعندك القدرة تحليله مشكلة فعلًا ولا لأ؟ وده فرق كبير جدًا بين حد بيعرف يستخدم برنامج وحد بيعرف يشتغل جرافيك فريلانسر بجد في ناس كتير فاكرة إن الجرافيك يعني: ألوان حلوة + خط شيك + بوست طالع شكله لطيف بس الحقيقة إن التصميم مش منظر وبس التصميم شغلته الأساسية إنه يوصل رسالة ويخدم هدف ويخلي اللي قدامه ياخد خطوة يعني لو أنا بشتغل مع براند فأنا مش مجرد “بطلع بوست حلو” أنا بطلع تصميم يساعد البراند يبان بشكل أحسن يوصل فكرته أسرع ويشد العميل المناسب ليه علشان كده، لو إنتي عايزة تشتغلي Graphic Designer Freelance فأول حاجة لازم تبطليها هي إنك تستني الشغل ييجي لمجرد إنك “بتعرفي تصممي” لازم تسألي نفسك الأول: أنا مصممة إيه؟ سوشيال ميديا؟ براندينج؟ مطبوعات؟ بريزنتيشن؟ ولا شوية من كل حاجة لكن بشكل منظم؟ لأن أكتر حاجة بتضيع ناس كتير في البداية إنها بتقدّم نفسها بشكل عام جدًا فتبقى النتيجة إن العميل مش فاهم إنتي قوية في إيه بالظبط فبدل ما تقولي: أنا جرافيك ديزاينر وبشتغل أي حاجة قولي بشكل أوضح: أنا Graphic Designer متخصصة في تصميم محتوى السوشيال ميديا للبراندات أو بساعد المشاريع الصغيرة تطلع بشكل بصري منظم واحترافي أو بصمم بوستات إعلانية وهوية بصرية بشكل يخدم البيع ويقوي شكل البراند شايفة الفرق؟ هنا إنتي مش بس بتقولي “أنا موجودة” إنتي بتقولي: أنا بقدم قيمة معينة كمان مهم جدًا تعرفي إن العميل مش هيشغلك لأنك “محتاجة فرصة” هو هيشغلك لما يحس إنك هتريحيه وهتوفري عليه وقت وهتطلعي له شغل يعرف يستخدمه ويستفيد منه وعلشان ده يحصل استنى Part 2
