@acledabankplc: សូមអតិថិជន និងសាធារណជនទាំងអស់ ប្រុងប្រយ័ត្ន ជនឆបោក ដែលបន្លំធ្វើជាបុគ្គលិកធនាគារ ទាក់ទងលោកអ្នក ដោយបញ្ចុះបញ្ចូល សុំព័ត៌មានគណនី លេខសម្ងាត់ ឬលេខកូដផ្ញើតាមសារ (OTP) ឬប្រាប់ឱ្យលោកអ្នកធ្វើប្រតិបត្តិការ ដើម្បីជាថ្នូរទទួលបានរង្វាន់ ឬអ្វីមួយ។ល។ ព័ត៌មានអំពីគណនីផ្ទាល់ខ្លួនរបស់លោកអ្នក ជាព័ត៌មានសម្ងាត់ និងមានសារសំខាន់បំផុត ដូច្នេះសូមលោកអ្នកកុំផ្តល់ព័ត៌មាន អំពីគណនីផ្ទាល់ខ្លួន ឱ្យអ្នកដទៃជាដាច់ខាត។ ករណីលោកអ្នកមានចម្ងល់ ឬសង្ស័យ សូមទាក់ទងមកធនាគារ អេស៊ីលីដា ដោយផ្ទាល់ តាមរយៈលេខទូរសព្ទផ្លូវការ 023 994 444 / 015 999 233 ឬបណ្តាញសង្គមផ្លូវការ។ សូមបញ្ជាក់ថា ធនាគារ អេស៊ីលីដា មិនមានការចាប់ឆ្នោតផ្តល់រង្វាន់ជាសាច់ប្រាក់ ឬជារបស់មានតម្លៃផ្សេងៗនោះទេ។ សូមចងចាំថាបុគ្គលិករបស់ ធនាគារ អេស៊ីលីដា នឹងមិនទាក់ទងអតិថិជនតាមលេខទូរសព្ទ និងបណ្តាញទំនាក់ទំនងសង្គម ដើម្បីសួរអំពីលេខគណនី, លេខសម្ងាត់ផ្ទាល់ខ្លួន, លេខសម្ងាត់ផ្ញើតាមសារ (OTP), ឬព័ត៌មានផ្ទាល់ខ្លួនរបស់លោកអ្នកជាដាច់ខាត។ ធនាគារក៏មិនទាក់ទងលោកអ្នក ដើម្បីស្នើសុំឱ្យធ្វើប្រតិបត្តិការសេវាណាមួយឡើយ។ #ACLEDAinfo