@drdrdr1111: الصديق مو بس كلمة تنكال الصديق موقف يثبت نفسه بوقت الشدة مو كل واحد ضحك وياك صار صديق، لأن الضحك سهل، بس الوقفة الصدك هي الصعبة. الصديق الحقيقي هو اللي يختارك بكل مرة، حتى لو الدنيا كلها خيرتك بينه وبينها. هو اللي يبقى ثابت وما يتغير ويا الظروف ولا ويا الناس. الصديق الصدك يحس بيك من نظرة، يعرف شنو داخلك حتى لو ساكت، ويعرف شلون يوقف وياك بدون ما يجرحك أو يثقل عليك مرات ما تحتاج كلام وياه بس وجوده يمك يكفي حتى ترتاح هذا النوع من الناس نادر، وإذا حصلته، تمسك بيه لأن مو بسهولة يتعوض. مو شرط الصديق يكون مثالي، بس لازم يكون صادق. لأن الكذب يهد أي علاقة، بس الصدق حتى لو كان جارح يبقى أرحم من ألف مجاملة فارغة. الصديق الحقيقي هو اللي ينصحك إذا غلطت مو يصفقلك حتى لو أنت غلطان. وبالأخير، الصداقة مو عدد سنين الصداقة موقف واحد ممكن يثبتلك كلشي ... يا يبقى وياك العمر كله يا يكشفلك الحقيقة كلها.

ضرغام 🩶

Open In TikTok:

Region: IQ

Tuesday 14 April 2026 21:48:22 GMT