Shihab bŏňå
Region: SA
Tuesday 14 April 2026 21:53:36 GMT
647822
14057
1686
4897
Music
Download
Comments
ESSAM 🇶🇦🇸🇩 :
احكي ليكم قصه الاغنيه الحقيقه .. اولا توضيح مهم الغنيه لي فنان اسمو جلال مسعود من مدينه رفاعه .. حصل خلاف بين الفنان جلال وابوهو وطردو من البيت وسافر ليبيا جلال زمن طويل وسنين طويله اخبارو مقطوعه ومامعروف وين مكانو وامو كانت فاقداهو شديد وهو كان اقرب واحد لي امو من دون اخوانو .. وفجاءه بعد السنين دي جات رساله من جلال لي امو . بتقول بعدتني عنك غربتي وفي خيالي ديما اهاتي بيك .. عشت السنين القاسيه مابي ايدي ولا ايديك … الخ . المهم !! الغنيه مااتسجلت في الاذاعه لاكن اي زول في رقاعه بيعرف قصه الغنيه دي ولحدي اسي اي زول عارف قصتا كل مايسمعا دموعو تجري خاصه كان حبوبتنا بيعرفوها كويس لانو كانو عارفين ارتباط حاجه نعمه لها الرحمه بي جلال … جلال لما جا من ليبيا بعد سنين طويله لقا الجواب الكان كاتبو لي امو بعد اتوفت وشال الجواب ودندن بيهو في كل احياءً مدينه رفاعه .. ومن هنا طلعت غنيه اشتقنا ليك … عصام كمال مسعود
2026-04-15 20:01:16
616
Mohamed Haspo :
مرات الواحد بسال نفسو هو عايش لشنو وعشان شنو وهو سبحان الله زي شجر الحراز كل اوراقو الخضرا اتحتت وفضل يلاوي في الحياة الاصلن ماعندها طعم ولا لون دي وكل مره يتعشم انها ممكن تخضر ويكتشف انو حتى اوراق عمرو نفسها بددت تتساقط وهو علي طريق السابقين والحمدلله على انو الواحد ماجور علي احزانو ودهاليز الفقد المتواصله دي وهي الحياة كما شاهدتها دولا من سره زمن ساءته اذمان والقطار ماشي ومامعروف نتلب في محطتنا متين وربنا يصلح خواتيمنا
2026-04-16 23:39:47
153
Queeen👑R :
انا شخصيا لا مشتاقه لزول ولا عايزه اشتاق لزول ولا زول يشتاق لي ولا حاسه بشوق أبدا لاي مخلوق ولااااااااا عااااااايزه شوق من زول ولا بعترف بالشوق والحاجات دي
2026-04-17 11:33:57
82
عائدة علي "ساراوية" ❤️🩹 :
انا من الناس البتقدس مشاعرها و عايشة في عالم موازي خاص بي من موقف واحد إتغيرت طاقتي و مشاعري و حبي و كل تفاصيل الود محتفظة بيها لنفسي بفقد الأكل بشتاق للقهوة و انا قاعدة في مكان هاديء يضحك ونا بهظر مع المرضى و ببتسم وما بسمع دعوات المرافقين بتزكر مشاغلات المرافقين مبسوطة بملامح أبوي و هو ببتسم لما يشكروني قدامو ناس انا خدمتهم و هو شعور الفخر متملكو طلبات امي لما تحنكني دي تفاصيل عايشة عليها و متعودة عليها و بشتاق ليها غير كدا ماف إنسان سوي بشتاق بشتاق لزول ولا يعتذر لزول عشان هو نام بدري ولا ما برد ولا يقعد يلزم ولا يبرر ولا يجي يوم يصدم من العيال ناس هو كان بشتاق ليهم و بقول هم غاليين🙂💔
2026-04-18 18:54:33
30
الزعـــyasirــــــــــيم :
شايل الدموع ياحبي لامن اعود واجيك انا اه اشتقت ليك ❤️عشت الظروف القاسية ماكان بي ايدي ولا ايديك انا اه اشتقت ليك ❤️بعدتني عنك غربتي وخلتني ديما اهاتي بيك انا اه اشتقت ليك ❤️ان شاءلله تكون سعيد وانا حالي بجي احكي ليك انا اه اشتقت ليك ❤️اشتقت ليك يانور صباحي ومشتهيك انا اه اشتقت ليك ❤️اشتقت للبسمه البتفرح كل زول عاجباني فيك انا اه اشتقت ليك❤️
2026-04-15 10:07:14
11
🦋ŠaBå🦋 :
مشتااقه لي اخوووي وحيد اخواتو يارب ترد غربتو سالم غانم ونسمع عنو كل خير لي 6شهور م عارفين عنو حاجه يارب تحفظو وين م كان😭😭💔
2026-04-17 11:05:00
36
لمار ولارين للتسوق :
انا في غربة وحوالي أمي وابوي الله يديهم العافية ومعاي اخواني وزوجي واهل زوجي يعني شبه اسرتي حوليني بس برضو جوااي حنيييين لي باقي اهلي وعندي حنين لي جيرانا وحلتنا وشوارعه مشتاقه اشم ريحة تراب السودان مشتاقه للزحمة مشتاقه للبساطة مشتاقه لي قومة الصباح مع صياح الديك واذان الفجر مشتاقة لي السباته المفروشة نص الحوش ونخت في فطور رمضان مشتاقة للعصيدة والكسره من ايد حبوبتي ربنا يطول عمرها ان شاءالله ربنا يجمع شملنا ويرد غربتنا جميعااا يااااارب العالمين
2026-04-21 09:20:53
22
فهمي جعافرا :
انا قايتو قصتي بتختلف انا موجود وسط اهلي واسرتي ودايما بحس انهم بعيدين مني كل البعد وكأني في قربه بشعر كأني وحيد الحمدلله متزوج وعندي أطفال في نفس الوكت بحس انهم بعيدين مني وبطلع العمل وبكون مشتاق ليهم كأني لي سنين منهم وامي وابوي دا احساس تاني هم موجودين وكأني لي سنين منهم دايما بحس مافي حد جنبي والله أحاسيس مبعثره م فاهم شي نهائ ع كل حال الاغنيه دي خلتني احكي وبعد دا م قادر اعبر عن احساسي
2026-04-20 10:47:47
16
أبو خالد :
الأغنية في طابعها جميلة جدا والشعور بيها وانت بتسمعها مليان حزن واسي علي الذي مضي من الأشخاص في حياتنا وما قدرنا نكون معاهم بدافع الغربة او الفراق أو اي دافع مرير حرمنا من إنو نكون هناك معاهم ونصطحبهم في رحلة الحياة ،،،في اعتقادي وبقناعة لا تقبل حتي ادني خوارزميات الحوار انو دة أمر كاس شربناه بدافع الغربة والبعد والفراق ❤️🔥 لكن ما لفت نظري جدا وبعيدا عن حجم الشعور الباكي ملامح هذه الفتاة وإن بدت صنيعة التطور والذكاء الأصطناعي إلا أن هذه الملامح حقيقية جدا وبتحمل كل الحنية والحنين والإنتماء والجمال الهادئ الذي يريح العين قبل الروح 🥲
2026-04-16 06:22:31
11
Rafaa Khaleefa :
قريت كل التعليقات وكل زول بحس بحاجه مختلفه بس انا ما حسيت بشي غير بكيت لصفوت الجيلي الغني الاغنيه دي وهو ماسور للان م معروف عنو شي ربنا يفك اسرو ويكون بخير وعافيه
2026-04-30 20:41:52
11
hazo kaz :
البوست جميل والتعليقات اجمل ،،، جد التعليقات جميلة وناس بتحكي عن حالها ببساطة وناس بتحكي للفايدة وناس بتحكي لنفسها لكن سرقت عين وخيال القارئ ( ويمكن واقعوا ) بامتياز
2026-04-17 21:38:17
29
السودان ومصر جسد واحد :
ملامح زول موجوع من جوة داخل أعماق جمال ذائد حزن عميق هاذة الصورة للفتاة لو ركزت فيها مع الموسيقي الجميلة ترجعك تراب الوطن وتذكرة كل ما هو جميل منذ الصغر وحتي الفراق يا حليلك يا وطني الغالي باقي عمرنا جعلناهو ذكريات وشوق والم عميق❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️المواطن احمد الحكيم❤️❤️
2026-04-18 17:53:27
6
جنابو تتو 🖤🍂👑 :
لو ركزت شوية هتلاقي إن عمرك في حياتك ما كنت جاهز لأي حاجة بتحصل لك ! بس سبحان الله أول ما بتبقى في الموقف و تقول يارب بتعمل حاجات مكنتش تتخيل أبدا إنك بتعرف تعملها ! التوكل و التسليم الكامل لله مبهر و مش ببالغ إن بسببه بتحصل معجزات إليكِ🌻 سقاكِ الله من فيضِ أمانيكِ حتّى ترتوي. 💛
2026-04-17 04:08:54
15
Rnoosh :
اشتقته ليك ياامي ربي اجمعني بيك وتساعدني ظروفي اوصلك
2026-04-15 20:18:01
18
haleem :
عليك الله ما تحاولي تلمسي مشاعر الناس في ناس كتيرة مشتاقة وقلبهم الشوق يلا ديل ما بقدر يسمعو الأغنية دي
2026-04-17 02:01:42
15
MoH shoosh :
اشتقت ليك هي ليست قصة بس احساس شوق عميق جدا وزكري مؤلمة بين الماضي والحاضر 🥺🥺
2026-04-17 01:44:20
5
Ramah Farh :
والله انا مشتاق لي امي شديد نفسي ارجع السودان وامي تشوف أولادي
2026-04-23 14:28:24
5
soma azhari :
انا شخصياً مشتاقة لي نفسي الزمان ما كان عندي لا مشاكل ولا هموم ولا خوف من الدنيا كنته مبسوطة وسعيدة ♥️
2026-04-17 22:05:36
5
bet almak :
من قبل م افتح الكومنتات لقيت نفسي ببكي وم قادره اتحكم في دموعي.. كل كومنت قريتو هبشني في وتر حساس جدااا😭 لحظه اشتياق للدار ولابوي الطوولته منو جداا🥺شوق لاغلى م املك عمتي وحبوبتي الرحلوو مني بدون سابق انزار😭رغم اني في غربه وسط امي واخواني بسس برضو حاسسه بنقص كبييير جدااا😭عموماا ربناا يخفف علينا ويردنا لاهلنا وبيوتنا سالمين وتامين 🤲 المخ جااايط ومليان كلاام كتييييير وشووووق اكتفوو بالقدر داا🤗
2026-04-29 17:37:24
5
Christine Frederick :
الغنية دي بتبكي ولا عيوني دي متسببة ولا دي دراما ولا دا شنو الحنية فيها دي.....
2026-04-21 21:15:41
5
رامي عزالدين :
أقسم بالله العظيم دموعي ياخ الواحد بقي مرهف الإحساس 😭
2026-04-15 09:39:52
17
Osman :
ربنا يفك اسر الحبيب صفوت الجيلي ويرده سالما غانما يا رب العالمين
2026-04-15 09:29:21
11
الصحافي ود القضارف :
•قال: لم أقصد أن أؤذيك… قالت: لكنني تأذيت..💔🥹
2026-04-16 22:21:49
7
ام رائد :
اشتقت لي صفوت ربنا يفك أسره ويرجع سالم تامي 😭😭😭
2026-04-15 08:40:39
6
To see more videos from user @shihabbona, please go to the Tikwm
homepage.
