በእርስ የአለፈውን በይቅርታ ፈቶ ወደ ፊት መመልከት እጅግ ጠቃሚ ነው።ስለሆነም ነጋ ጠባ በማይረባ ፖለቲካ እርስ እየተገዳደሉ አዛውንቶች በመጦሪያ ዘመናቸው ልጆቻቸውን እየገበሩ የሚያለቅሱበት ዘመን ማብቃት አለበት።በክርስቶስ አንድ ሰው ተብላችሁ ሳለ ነገር ግን ጠላት በዘራው _ እንክርዳድ ብዙዎቻችሁ ወንድም፣ እህት፣ አባትና እናቶቻችሁን ተነጥቃችዋል።ይህ ችግር እስካልተፈታ ድረስ እዬዬውና መርዶው ይቀጥላል። ስለሆነም ለምን እኛ በቃ አንልም? ለምን እኛ በራሳችን ስሜት ላይ ጦርነት አናውጅም? ማለቴ ከእኛ ብሔር ጋርየማይመሳሰለንን እንድንጠላ የሚገፋፋንን ስሜት አሽቀንጥረን ጥለን…በክርስቶስ አንድ መሆናችንን አናስብም? እስቲ ከተለያዩ ብሔር ሰብሰብ እንበልና እንነጋገር…ወንድሜ እህቴ እየተባባልን ችግሮቻችንን እናውጋ… የምሬን ነው እዚህ ቤት ያለው መከራና ችግር እዛኛው ቤትም አለ...ብሶታችን ተመሳሳይ ነው፡፡ እንዳንደጋገፍ ፖለቲከኞቹ(ጠላቶቻችን) እያራራቁን ነው። ስለዚህ ወንድሜ ላወራህ ፈልጋለሁ...እስቲ ልጠይቅህ:- የኑሮ ውድነቱ እንደ እኔ አንተን አላሰቃዬህም? ሥራ ማጣቱ፣ የገቢህ ማነሱ፣ ያለህ ገንዘብ ምንም የማይገዛልህ ሆኖ እቅድህ አልሳካ ማለቱ፣ ተስፋ መቁረጡ አንተ ላይ አልደረሱብህም? ህይወት ትግል አልሆነችብህም ወንድሜ? እስቲ ንገረኝ ዝም አትበለኝ።አንዳንዴ ብን ብለህ ጥፋ ጥፋ የሚል ስሜት አይሰማህም? አልቅስ አልቅስ አይልህም? ብናገር ሰሚ ዬለኝም ብለህ ብዙ ነገርበሆድክ የያዝከው ዬለም? _ በገዛ ሐገርህ እንድትሳቀቅ አልሆንክም? እባክህ ንገረኝ ወንድሜ።… እናም ወንድሜ/እህቴ ብንነጋገር ይሻላል።ለባብሼ ስወጣ ስታየኝ የደላኝ እንዳይመስልህ ወይም እንዳንተ የማላስብ እንዳልመስልህ። ፍቃደኛ ከሆንክችግሬን ልነግርህ የአንተንም ልሰማ ዝግጁ ነኝ…አንተስ ወዳጄ? እ ፎ ይ ! ! !#ኦርቶዶክስ_ተዋህዶ_ፀንታ_ለዘለዓለም_ትኑር #ኦርቶዶክስ⛪ተዋህዶ⛪ለዘለዓለም🙏ትኑር🙏 - @yitbe411