@dhammathutalan: အလှူဒါနထဲမှာ အမြင့်ဆုံး ကုန်ကျစရိတ်လည်းအများဆုံးမို့ မြတ်စွာဘုရားရှင်က ကျောင်းအလှူဟာ အကောင်းဆုံးလို့ဆိုတယ်။ ကြာကြာလည်းခံတယ် သက်တမ်းရှည်ကြာအောင် အသုံးပြုနိုင်တဲ့အတွက်ကြောင့်မို့လည်း ကျောင်းအလှူဟာ အကောင်းဆုံးဆိုတယ်။ ကျောင်းအလှူထက်ကောင်းတာရှိသေးသလားဆိုတော့ သရဏဂုံ ဆောက်တည်တာ ဘုရား တရား သံဃာ ရတနာသုံးပါးကို အသက်စွန့်ပြီးတော့ ကိုယ့်ခန္ဓာကို စွန့်ပြီး၊ အသက်ထက်ဆုံး ကိုးကွယ်ပါ၏လို့ ဆောက်တည်တာဟာ ပိုကောင်းတယ်လို့ဆိုတယ်။ သရဏဂုံ သုံးပါးထက် ပိုကောင်းတာရှိသလားဆိုရင် အဲ့ဒီသရဏဂုံ သုံးပါးကို ငါးပါးသီလနှင့် ယဉ်တွဲပြီးဆောက်တည် တာဟာ ပိုကောင်းတယ်လို့ဆိုပါတယ်။ ဒါဖြင့် ဒီ့ထက်ကောင်းတဲ့ကုသိုလ်ဟာ ရှိသေးသလားလို့ဆိုရင် ရှိသေးတယ်.. သတ္တဝါအားလုံးအပေါ်မှာ ခြုံငုံပြီး မေတ္တာပွါးရမယ် မေတ္တာပို့တဲ့ကုသိုလ်ဟာ ဒီကုသိုလ်တွေထက် ပိုမြတ်တယ်လို့ဆိုတယ်။ ဒါဖြင့်မေတ္တာပို့တဲ့ကုသိုလ်ထက် ပိုမြတ်တာရှိသေးလားလို့ဆိုရင် ရှိသေးတယ်.. အနိစ္စသင်္ညာ ဘာဝေတဗ္ဗာ အနိစ္စသင်္ညာ ဘယ်အရာမှ မမြဲဘူးဆိုတဲ့ “ဝိပဿနာတရားကို အားထုတ်ပါလို့" ဆိုပါတယ်။ အဲ့ဒီ “ဝိပဿနာတရားကတော့” အမြတ်ဆုံးဘဲ သူထက်မြတ်တာ မရှိတော့ဘူး။ ပါချုပ်ဆရာတော်ဘုရားကြီး ဒေါက်တာနန္ဒမာလာဘိဝံသ •မူရင်းရေးသားသူ/ •ဖြန့်ဝေသူအားလုံးဂါဝရပြုပါသည် •"ဓမ္မဒါနအနေဖြင့်ပြန်လည်မျှဝေပါသည်။ •"ကောင်းမူ နေ့စဉ်ပြုပါ" •( #ဓမ္မသုတလမ်း ) ( #ဓမ္မဒါန ) •Copyဖြင့်သော်၎င်း •Share ဖြင့် သော်၎င်း •ပြန် လည်မျှဝေခြင်းဖြင့်။ • အမြတ်ဆုံးတရားကုသိုလ်ပြုနိင်ပါတယ်"✅ •🙏"သဗ္ဗဒါနံ ဓမ္မဒါနံ ဇိနာတိ "🙏 •🙏"အလှူ အားလုံး ထဲတွင် • တရားအလှူသည် အမြတ်ဆုံးဖြစ်၏"🙏 •ဤ(ရုပ်/နာမ်-ခန္ဓာ)မှပြုခဲ့ရသော •ကောင်းမူအစုစုအား အားလုံးကိုအမျှဝေပါ၏✅ •🙏 နတ်/လူ သာဓုခေါ်စေသော်။.....🙏 "ဣဒံ မေ ပုညံ နိဗ္ဗာနဿ ပစ္စယော ဟောတု"