@dawoodsyedpoet: تختہءدار پہ پیمانِ وفا یاد آیا دیکھ کس حال میں کافر کو خدا یاد آیا تیرے خط دیکھ کے گزرے ہوئے دن یاد آئے اپنا دل دیکھ کے کہرامِ جفا یاد آیا دشت میں آتے ہی سب نام و نسب بھول گئے بس ترا ذکر سرِ دستِ دُعا یاد آیا! عین ممکن ہے کوئی چاند گنوا بیٹھی ہو ورنہ کب رات کی دیوی کو دِیا یاد آیا! زندگی شہرِ خرابات تلک لائی تو اپنے اجداد کا اک ایک کہا یاد آیا! میں جنہیں دھاگے سمجھتا تھا وہ زنجیریں تھیں بندشِ دل سے ترا بندِ قبا یاد آیا! آپ کس منہ سے مِرے پاس پلٹ کر آئے! آپ سے اچھے کو کیوں مجھ سا بُرا یاد آیا؟ میرا بھائی تھا ، مِری ڈھال بُلاتے تھے اُسے روزِ عاشور جو سیدؔ کو بڑا یاد آیا! داؤد سیدؔ