@karakiya_ms: Ақтауда «Түлектердің ағаш егу» челленджі өтті Ақтауда «Таза Қазақстан» экологиялық акциясы аясында мектеп түлектерінің қатысуымен ағаш егу рәсімі ұйымдастырылды, деп хабарлайды Қоғамдық коммуникация орталығы. Облыстық білім басқармасының баспасөз қызметінің мәліметінше, іс-шара 2024–2029 жылдарға арналған «Таза Қазақстан» тұжырымдамасын іске асыру шеңберінде өткізілді. Ақтау қаласындағы «Келешек мектептері» ұлттық жобасы аясында ашылған №34 жалпы білім беретін мектеп ауласында өткен экологиялық челленджге мектеп түлектері қатысты. Іс-шараның ашылу салтанатына Ақтау қалалық білім бөлімінің басшысы Айбаршын Утесбаева қатысып, №34 мектептің алғашқы түлектеріне сәттілік тіледі. Сонымен қатар, түлектер мектеп ауласына ағаш көшеттерін отырғызып, білім ордасына деген құрметі мен жанашырлығын білдірді. -Әрбір отырғызылған ағаш – түлектердің естелігі мен жарқын болашаққа деген сенімінің белгісі. Табиғатты аялау – әр азаматтың міндеті. Бір ағаш – бір өмір. Осындай мағыналы шаралар арқылы оқушылардың экологиялық мәдениеті қалыптасып, «Жасыл мұра» құндылықтары нығая түседі, - деді Айбаршын Утесбаева. Айта кетейік, мұндай экологиялық бастамалар жас ұрпақтың табиғатқа жауапкершілікпен қарауын қалыптастырып, қоршаған ортаны қорғау мәдениетін дамытуға бағытталған.

241

There are no more comments for this video.

To see more videos from user @karakiya_ms, please go to the Tikwm homepage.