ကမ္ဘာကြီးက ကျယ်တယ်။ ရေစက်သာ မပါရင် မင်းနဲ့တွေ့မှာ မဟုတ်ဘူး။မင်းနဲ့ ချစ်သူဖြစ်မှာလည်း မဟုတ်ဘူး။မင်းကို ရူးရူးမူးမူး ချစ်မိမှာလည်း မဟုတ်ဘူး။တခြားလူတွေ ဘယ်လောက်ကောင်းကောင်း ကိုယ်နဲ့မဆိုင်ဘူး။စိတ်လည်း မဝင်စားဘူး။ကိုယ့်အာရုံမှာ မင်းပဲ ရှိတယ်။ကိုယ့်နှလုံးသားထဲ မင်းပဲ နေရာယူထားတယ်။မင်းကိုပဲ အကြိမ်ကြိမ် ရွေးချယ်ပါတယ်။ မင်းနဲ့အတူရှိရင် စိတ်ထဲ နွေးထွေးတယ်။မင်းနဲ့အဝေးမှာ မနေနိုင်ဘူး။ မင်းဟာ ကိုယ့်အတွက် အိမ်နဲ့တူသော လူမျိုးဖြစ်တယ်။စိတ်သက်သောင့်သက်သာ လူမျိုးဖြစ်တယ်။မင်းရဲ့အပြုံးဟာ ကိုယ့်ရဲ့မပျော်ခြင်းအားလုံးရဲ့ဖြေဆေး ဖြစ်တယ်။နေ့တိုင်း မင်းမျက်နှာ မြင်ချင်တယ်။မင်းအသံ ကြားချင်တယ်။တချို့ရက်မှာ မင်းနဲ့စကား များတာ ရှိတယ်။အချစ်တွေ သေချာ မဖော်ပြနိုင်တဲ့နေ့တွေလည်းရှိတယ်။ဒါပေမဲ့ မင်းနဲ့ ဘဝခရီးလမ်းကို အတူတူလျှောက်ချင်တယ်။မင်းနဲ့အနာဂတ်တစ်ခု တည်ဆောက်ချင်တယ်။စွယ်တော်ရွက်လို နှစ်လွှာပေါင်းမှ တစ်လွှာ ဖြစ်ချင်တယ်။မင်းနဲ့အတူ ဘဝရဲ့ ပြဿနာအမျိုးမျိုးကို ရင်ဆိုင်ချင်တယ်။အတူတူ ရင့်ကျက်ချင်တယ်။ပိုကောင်းတဲ့နေ့ရက်တွေဆီ အတူတူ သွားချင််တယ်။ သေချာတယ် မင်းဟာ ကိုယ် အနှစ်နှစ်အလလ စောင့်လာတဲ့သူပဲ။မင်းကို ဘယ်နည်းနဲ့မှ လက်မလွှတ်နိုင်ဘူး။မင်းကို ကိုယ့်အချစ်နဲ့ ပျော်အောင် ထားမယ်။နောက်ထပ် ငိုခွင့်မပြုဘူး။မင်းကို မျက်နှာ မငယ်အောင် ထားမယ်။မင်းဟာ အထူးတလည် ဘာမှ လုပ်စရာမလိုဘူး။ကိုယ့်အနားမှာ နေပြီး ကိုယ့်မျက်နှာကိုပဲ ကြည့်နေရင် ရပြီ။သိပ်သိပ်ချစ်ရပါတယ် အချစ်ရယ်။ #နူးနူးအောင် #Love #fypage #fypရောက်စမ်းကွာ - @nunuaung2024