هل قد لاحظت على نفسك إنك دايم أنت اللي تتمسك بالعلاقات، وأنت اللي تحاول ترجع أي علاقة انتهت بينك وبين أي شخص؟ ولاحظت خوفك الزايد من خسارة أي أحد يهتم فيك أو يقرب لك، وكأنه الشخص الوحيد في حياتك؟ وإذا انتهت العلاقة الي كنت متمسك فيها، تصير حذر أكثر وتحاول تنهي باقي علاقاتك عشان ما تعيش نفس الشعور مرة ثانية؟ طيب خلني أوضح لك نقطة مهمة، هذا مو مجرد تعلق عاطفي بسيط زي ما تظن، ممكن يكون مرتبط بأنماط أعمق مثل ( اضطراب الشخصية الحدية BPD ) عند بعض الأشخاص، أو مرتبط بقلق التعلّق وتجارب فقد أو إهمال عاطفي الشخص اللي يمر بهذي المشاعر غالبًا يعاني من صعوبة في توازن المشاعر، أحيانًا يحس بمشاعر قوية جدًا تجاه الطرف الآخر، وأحيانًا يقلبها لنفور أو انسحاب، وما يكون عنده دائمًا منطقة وسط في التعبير وهذا الشيء غالبًا يكون خارج إرادته، وقد يتكوّن نتيجة تجارب مبكرة غير مستقرة أو نقص في الاحتواء العاطفي خلال الطفولة الطفل اللي يعيش هذا النوع من التجارب يكبر وهو حاس إنه غير مرئي أو غير مهم، وما أخذ القدر الكافي من الاهتمام أو الأمان العاطفي ولما يكبر ويبدأ يتعرف على ناس خارج البيت، ممكن يتعلق بأي شخص يعطيه اهتمام حتى لو بسيط، أحيانًا مجرد كلمة مثل “كيف حالك” تكون كافية إنها تعطيه شعور جديد عليه، شعور كان فاقده من زمان شعور جداً مختلف ومن هنا يبدأ يتغير إحساسه بنفسه ويخف جلد الذات اللي كان يعيشه، ويبدأ يتعلّق بالشخص هذا بشكل قوي، بغض النظر إذا كان مناسب له أو لا، لأن الأهم هو الإحساس بالأمان والاهتمام الي كان يبحث عنه لكن المشكلة مو هنا المشكلة إن الطرف الآخر غالبًا ما يكون مدرك عمق هذا التعلّق، وقد يبتعد أو ينهي العلاقة بشكل عادي بالنسبة له، بينما الطرف الثاني يمر بصدمة عاطفية ترجع له شعور الوحده الي كان عايشه قبل و يبدأ يلوم نفسه ويسأل: ليه تركني؟ وش الغلط اللي سويته؟ ويدخل في دائرة من الأسئلة اللي ما لها إجابة واضحة وأحيانًا رغم إنه في داخله يعرف إنه ما أخطأ بشكل مباشر، إلا إن شعور اللوم يكون أقوى من المنطق للأسف والأصعب من كذا إنه ما يوقف عند الحزن فقط، أحيانًا يحس كأنه انفصل عن نفسه مو عن شخص أخر ، ويفقد شغفه بالحياة، يصير ميّال للعزلة والصمت، ويرجع لجلد الذات بشكل أكبر وهذا الشعور راح يتكرر مع كل علاقة تنتهي وفي النهاية، هذول الأشخاص ما يعيشون هالمشاعر لأنهم ضعفاء، بالعكس هم فقط حسّاسين وعاطفيين، كانوا يحتاجون يتعلمون كيف يوازنون مشاعرهم ويبنون إحساس أمان داخلي ما يعتمد إعتماد بالكامل على الآخرين، وهذا الشيء ممكن يتحسن لما يفهمون نفسهم ومشاعرهم بشكل اعمق . . . . . . #tiktok #fyp #foryou #duet #BPD - @idontcareanymoooreeeeeee