@moebayer: في بلاد الشام، بيعملوا مع اللبن و هاي و حدة من الأكلات التقليدية الموجودة بفلسطين شمال الأردن وحتى سوريا. لكن في تركيا، بيشوحوه مع لحم رأس العصفور، وبيضيفوا عليه الكزبرة الخضراء. أما أنا، اخترت أعمله يخنة بصوص حامض مليان بالسماق ودبس الرمان، تعطيه نكهة قريبة من أكلات شامية زي الحراق إصبعه وستي ازبقي. صراحة طلعت خطيرة جداً! أهم شيء تستخدموا لوز ما يكون قاسي * 800 غرام لحم مقطع مكعبات (ويفضل فيه شوية دهن) * 500 غرام لوز أخضر، مغسول ومنشّف ومقطع: * الحبة الصغيرة: نصّين * الحبة الكبيرة: 3–4 قطع * 1.5 لتر ماء ساخن * 5 حبات فلفل حب * 2 ورق غار * 1 حبة لومي * 1 حبة هيل * 1 بصلة متوسطة * ملح (حوالي ملعقة كبيرة أو حسب الذوق) * فلفل أسود (ملعقة صغيرة) * 1.5 ملعقة كبيرة سماق * ¼ إلى ½ كوب دبس رمان (حسب الذوق) * 1 ملعقة صغيرة نعناع يابس * 1 ملعقة صغيرة كزبرة ناشفة * 1 ملعقة صغيرة كمون * 10 فصوص ثوم مهروس * ½ كوب كزبرة خضراء مفرومة * فلفل أخضر حار (اختياري) * ملعقة زبدة * ملعقة زيت زيتون (أو سمن حسب الرغبة) 1. تشويح اللحم والتوابل: سخّن طنجرة على نار قوية، أضف زيت الزيتون والزبدة، ثم اللحم وقلّبه لحد ما ياخذ لون ذهبي. أضف الفلفل الحب، ورق الغار، الهيل، واللومي، وقلّبهم مع اللحم شوي لحتى تطلع النكهات والزيوت العطرية. 2. سلق اللحم: أضف الماء الساخن والبصلة، واتركه يغلي. أول ما يغلي، شيل الزفرة، غطّي الطنجرة وخفف النار، وخليه يطبخ على نار هادية من 30 إلى 40 دقيقة لحد ما يبلش اللحم يستوي. 3. تحضير اللوز: قطّع اللوز الأخضر حسب حجمه. في مقلاة، حمّره بقليل من الزبدة أو الزيت لحد ما ياخذ لون ذهبي خفيف ويصير طري مع قرمشة خفيفة. 4. إضافة اللوز: أضف اللوز المحمّر للحم، واتركهم يطبخوا مع بعض حوالي 15 دقيقة على نار هادية. 5. إضافة النكهات: أضف: * الملح * الفلفل الأسود * السماق (ملعقة ونص كبيرة) * النعناع اليابس * الكزبرة الناشفة * الكمون * دبس الرمان (بين ربع إلى نص كوب حسب الذوق) حرّك واتركهم يغلو مع بعض لحد ما تتوازن النكهات يعني ١٠ دقايق . 6. اللمسة الأخيرة: في مقلاة، سخّن الزبدة مع زيت الزيتون، أضف الثوم المهروس والكزبرة الخضراء (وممكن فلفل أخضر حار)، وقلّبهم شوي. 7. التقديم: صبّ الطّشة فوق الوجه مباشرة و حركها وقدّمها ساخنة مع رز بالشعيرية #fyp #اللوز_الاخضر #يخنة #يخنة_اللوز_الاخضر

Moe Bayer

Open In TikTok:

Region: DE

Sunday 19 April 2026 09:22:24 GMT