အင်းဝခေတ်က ရဟန်းစာဆိုတပါးက ဘယ့်နှာကြောင့် ဓာတ်ပြားခေတ်က အဆိုတော်တွံတေးသိန်းတန်နဲ့ သီချင်းလာဖန်တီးသလဲပေါ့ ရှင်မဟာရဌသာရရဲ့ငယ်ဘဝအကြောင်းကိုတော့ အားလုံးသိပြီးသားပါ ဖခင်က အင်းဝရွှေနန်းရှင်ထံခစားရတဲ့ မင်းမှူးမတ်တစ်ဦးရှင်မဟာရဋ္ဌသာရ ရဲ့ငယ်နာမည်ကမောင်မောက် ငယ်စဉ်ကတည်းက စာပေလေ့လာလိုက်စားပြီး ဥာဏ်ပညာရင့်သန်တဲ့ မောင်မောက်ဟာ အင်း ရွှေနန်းရှင်ရဲ့ သမီးတော်သုံးပါးရဲ့ နားထွင်းမင်္ဂလာပွဲကနေစပြီး ကျော်ကြားခဲ့ပါတယ် ဒီလိုနဲ့ စာပေပညာရှင်မောင်မောက်ဟာ နန်းတွင်းမှာထင်ရှားပြီး ဘုရင့်မြောက်စားမှုခံရလို့ ပျိုတိုင်းကြိုက်တဲ့နှင်းဆီခိုင် ဖြစ်နေချိန်မှာ ဝဏ္ဏပဘာ အမည်ရှိနန်းတွင်းသူတဦးနဲ့ ချစ်ကြိုးသွယ်ခဲ့ပါတယ် ဒါဟာ ရှင်မဟာရဋ္ဌသာရဖြစ်လာမယ့် မောင်မောက်ရဲ့ ကြေကွဲဖွယ် ဇာတ်လမ်းအစပါပဲ မောင်မောက်ဟာ သူ့ချစ်သူနဲ့ ချစ်ကြိုးသွယ်နေစဉ်မှာပဲ မောင်မောက်ကို စာပေပညာသင်ကြားပေးတဲ့ လက်ဦးဆရာတော်ဟာ မောင်မောက်ရည်းစားထားတာကို အားမပေးခဲ့ပါဘူးလောကီလူ့ဘောင်ရဲ့ရှုပ်ထွေးပုံခက်ခဲပွေလီပုံတွေကို ပြောပြဆုံးမပြီး မောင်မောက်ကို ရဟန်းဝတ်ခိုင်းပါတော့တယ် အချစ်နဲ့ ဆရာသမားစကား လွန်ဆွဲပွဲမှာ နဂိုတည်းက ရဟန်းဖြစ်ဖို့ကံပါတဲ့ မောင်မောင်ကလေးဟာ ဆရာ့စကားနားထောင်ကာ ရဟန်းဝတ်ပြီး လူ့ဘောင်ကို ကျောခိုင်းဖို့ ဆုံးဖြတ်လိုက်ပါတော့တယ် ရဟန်းလည်းနှလုံးသားနဲ့ လူသားပေပဲမလွမ်းတတ်ဘဲ ဘယ်ရှိပါ့မလဲ ရဟန်းဝတ်စ တရားအသိဥာဏ်မရင့်သန်ခင် သံယောဇဉ်တွေကိုမဖြတ်နိုင်ချိန်မှာ မောင်မောင်ဟာ အင်းဝရွှေနန်းမှာကျန်နေခဲ့တဲ့ ချစ်သူကိုရည်မှန်းပြီး စာတွေ/ကဗျာတွေ ရေးသားသီကုံးခဲ့ပါတယ် ရဟန်းပျိူတပါးလည်းဖြစ် စာပေပညာရှင်တဦးလည်းဖြစ်အလွမ်းသမားကြီးတဦးလည်း ဖြစ်နေတော့ ရှင်မဟာရဋ္ဌသာရရဲ့ အလွမ်းစာကဗျာတွေဟာ အင်းဝရွှေနန်းတိုင်ကျော်ကြားခဲ့ပါတော့တယ် ဒါပေမယ့် ချစ်သူနဲ့တော့ ပြန်ဆုံဖို့ ကံကုန်ခဲ့ပြီလို့ ရှင်မဟာရဌသာရဟာ ဆုံးဖြတ်ချက်ချပြီး သံယောဇဉ်တွေအပြီးတိုင်ဖြတ်ကာ အင်းဝနန်းနဲ့ဝေးတဲ့ ရွှေစက်တော်ဘုရားဖူး ခရီးစဉ်ထွက်ခဲ့ပါတော့တယ် ခံစားရတဲ့ ဝေဒနာကို အချိန်ကကုစားပေးခဲ့တာကတကြောင်းရွှေစက်တော်သွားတောလားဘူရိဒက်လင်္ကာကိုးခန်းပျို့စတဲ့ ဂန္တဝင်တွင်မယ့် စာပေကြီးတွေအပေါ်စိတ်နှစ်ပြီး စျန်ဝင်စားခဲ့တာကတကြောင်း ကြောင့် ရှင်မဟာရဋ္ဌသာရရဲ့အလွမ်းဝေဒနာပျောက်ကင်းခဲ့ရပါတယ် အလွမ်းဝေဒနာပျောက်ကင်းပေမယ့်လည်း ရှင်မဟာရဋ္ဌသာရရဲ့ အလွမ်းစာတွေတော့ ကျန်နေတုန်းပါပဲ ရဟန်းပျိုဘဝမှာ ခွဲခွာခဲ့ရတဲ့ ချစ်သူကို ရည်ရွယ်ရေးသားခဲ့တဲ့ "နှမလက်လျော့ နေလေတော့" "လှလွန်းဆွေ " စတဲ့ ရတုကဗျာတွေကတော့နာမည်အကြီးဆုံးပါပဲ ဒီလိုနဲ့မြန်မာသံစဉ်ခေတ်ရောက်လာတော့ မြန်မာသံစဉ်ဓာတ်ပြားတေးသံရှင်ကြီး တွံတေးသိန်းတန်ဟာ ရှင်မဟာရဋ္ဌသာရ ရဲ့ အလွမ်းကဗျာနှစ်ပုဒ် ကိုအခြေခံပြီး ဂန္တဝင်မြောက်သံစဉ်တွေနဲ့ နာမည်ကြီးသီချင်းတပုဒ် ဖန်တီးလိုက်ပါတယ် အဲ့ဒီသီချင်းကတော့ ယနေ့ထက်ထိကျေးလက်ဒေသတော်တော်များများမှာကြားနေရဆဲ တွံတေးသိန်းတန်ရဲ့ သီချင်းတပုဒ်ဖြစ်တဲ့ "နှမလက်လျော့နေလေတော"့ဆိုတဲ့ နာမည်ကြီးသီချင်းတပုဒ်ပါပဲ ခင်ဗျား "ချစ်သူရှိရာ ဒီဌာနဆီသို့ မှန်းဆ တမ်းတပါသော်လည်း" ဆိုတဲ့စာသားတွေ နဲ့အစချီပြီး အဆိုတော်ကြီးတွံတေးသိန်းတန်ဟာ သူ့ရဲ့လက်ရာစာသားတွေ နဲ့ သီချင်းကို အစပျိုးလိုက်ပါတယ် "မြတ်မျိုးမြင့်မှန် ကြင်ပေတန်၍ ရွယ်ရန်ရည်ရင့် ဆင်တိုင်းတင့်တယ်" ဆိုတဲ့စာသားတွေကတော့ ရှင်မဟာရဋ္ဌသာရရဲ့ လှလွန်းဆွေဧကပိုဒ်ရတုထဲက စာသားတွေဖြစ်ပြီး ဒီစာသားတွေကြောင့် သီချင်းဟာ အလွန်အမင်းဂုဏ်မြောက်ခဲ့ရပါတော့တယ် မိမိချစ်သူကို ချစ်လျက်နဲ့လမ်းခွဲရသူတဦးရဲ့ ခံစားချက်ကို ပေါ်လွင်စေခဲ့တဲ့ ရှင်မဟာရဋ္ဌသာရရဲ့ ပိုဒ်စုံရတုထဲက "မမှိတ်မျက်တောင်၊ သည်းခေါင်ဆူလည်၊ ရှိလိမ့်မည်ဟု၊ လွမ်းသည်ထပ်ဆင့်၊ ဖူးချိန်သင့်ကို၊ မျှော်လင့်ခိုးရှာ လေတော့သည်။" ဆိုတဲ့စာသားတွေကိုဖျောက်ပြီး "စိန္တေမြတ်ထံ ဆုပန်သ ခုတဖန်ဘဝ ဆုံရသည်မရှိသော် နောင်တမလွန်ဘဝဆက်တိုင်း ချစ်ရသူနဲ့ ချစ်တိုင်းညားရပါစေ" လို့ အဆိုတော်ကြီးက လက်စွမ်းပြဖွဲ့ဆိုခဲ့ပါတယ် " နှလုံးပူစွ၊ ပေးလှူ စွန့်ကြ၊ သည်ဘ၀တွင်၊ နှမလက်လျှော့၊ နေလေတော့ဟု" ဆိုတဲ့ ရှင်မဟာရဋ္ဌသာရရဲ့ နှမလက်လျော့နေလေတော့ ဆိုတဲ့စာသားကို သီချင်းနာမည်အဖြစ် အမည်ပေးခဲ့ပါတယ် အချုပ်ပြောရရင်တော့ အဆိုတော်ကြီးတွံတေးသိန်းတန်ရဲ့ သီချင်းဟာ ရှင်မဟာရဋ္ဌသာရ ရဲ့ ရတုနှစ်ပုဒ်စလုံးကို တိုက်ရိုက်ကူးချတာမဟုတ်ပေမယ့် နှမလက်လျော့နေလေတော့ဆိုတဲ့ စာသားကို သီချင်းနာမည်ပေးခြင်း "မြတ်မျိုးမြင့်မှန်"ဆိုတဲ့ အင်မတန်ကဗျာဆန်လှတဲ့ အနုပညာစာသားတွေကို သီချင်းထဲထည့်သွင်းပြီး သူ့ရဲ့ကိုယ်ပိုင်စာသားတွေနဲ့ ပေါင်းစပ်ဖွဲ့စည်းထားတာဟာ စိန်ကိုရွှေကွပ်ထားသလို တင့်တယ်မှုပြည့်ဝနေပါတယ် ဒါဟာ ဂန္တဝင်မြောက် မြန်မာသံစဉ်သီချင်းတပုဒ်ကို ရှင်မဟာရဋ္ဌသာရနဲ့ အဆိုတော်ကြီးတွံတေးသိန်းတန်တို့ ပေါင်းစပ်ဖွဲ့ဆိုထားတာနဲ့ အဓိပ္ပာယ်တူတူပဲမို့ ရှင်မဟာရဋ္ဌသာရနဲ့ တွံတေးသိန်းတန်တို့ ဖန်တီးတဲ့ အနုပညာသီချင်းတပုဒ်ရယ်လို့ တင်စားလိုက်ရခြင်းဖြစ်ကြောင်းပါခင်ဗျား #yC #စာရေးသူအားcrd #burmesetiktok #တွံတေးသိန်းတန် #ရှင်မဟာရဋ္ဌသာရ - @yanpaingooyc