@ulyskz: ⚡️Екінші рет заң бұзған уағызшы Дарын Мүбаровке сот шешімі шықты Заң бұзғаны үшін Дарын Мубаровқа 865 мың теңге айыппұл салынды Астана қаласының Дін істері жөніндегі басқарамасы миссионер Дарын Мубаровты діни мазмұндағы материалдарды заңсыз таратқаны үшін кезекті рет әкімшілік жауапкершілікке тартты. Бұл оның соңғы бір жыл ішіндегі осындай екінші құқық бұзушылығы. Айта кетейік, ол 2025 жылдың қазан айында дәл осындай әрекеті үшін жауапқа тартылған болатын. Алайда заң талаптарын қайта елемеген азамат бір жыл өтпей жатып құқық бұзушылықты қайталаған. Дарын өзінің видео үндеуінде “менің қатысым жоқ, біреулер таратты” деп басын ала қашты. Басқарма мамандары аталған факті бойынша ҚР Әкімшілік құқық бұзушылық туралы кодексінің 490-бабы, 8-бөлігі бойынша хаттама толтырған. Бұл бап әкімшілік жаза қолданылғаннан кейін бір жыл ішінде заңды қайталап бұзғандарға қатысты қолданылады. Сот шешімімен Мубаров кінәлі деп танылып, 200 айлық есептік көрсеткіш жаза кесілді. Яғни сомасы: 865 000 теңге. Құзырлы органдар Қазақстан Республикасының заңнамасын қатаң сақтау қажеттігін еске салады. Діни мазмұндағы материалдарды таратудың белгіленген арнайы тәртібі бар және оны бұзу заң алдында жауапкершілікке әкеп соғатынын ұмытпаңыздар. #ulys #дарынмубаров #уағыз #сот #уағызшылар
