## Ma Sy # 🥹💔🩹 အေးအေးဆေးဆေးပဲ စဉ်းစားကြည့်ရအောင်... တို့တွေကြားမှာ အမုန်းတရားတွေလည်း မရှိခဲ့ဘူး၊ ခါးခါးသီးသီး အငြှိုးအတေးတွေလည်း မရှိခဲ့ဘူး၊ တကယ်တော့... တို့တွေက လမ်းခွဲခဲ့ကြတာမှ မဟုတ်တာ၊ လမ်းလွဲခဲ့ကြတာပါ..။ လောကကြီးမှာ... အသံကျယ်ကျယ်နဲ့ အော်ဟစ်လမ်းခွဲမှ နာကျင်ရတာမဟုတ်ဘူး၊ တိတ်ဆိတ်လွန်းတဲ့ လမ်းလွဲခြင်းက ပိုပြီး အနည်ထိုင်တတ်တယ်....။ ဒီနေ့ စကားနည်းသွားတယ်... နောက်ရက်မှာ အကြောင်းပြန်ဖို့ မေ့သွားတယ်... အဲဒီလိုနဲ့ပဲ တစ်ရက်ထက်တစ်ရက် တို့နှစ်ယောက်ကြားက ကြိုးလေးက လျော့ရဲပြီး ဝေးသွားခဲ့တာ....။ ဒါကို ပညာပေးအနေနဲ့ ကြည့်မယ်ဆိုရင်တော့... ဆက်ဆံရေး" ဆိုတာ အပင်တစ်ပင်လိုပဲ....။ ရေမလောင်းဘဲ ပစ်ထားရင် ညှိုးနွမ်းသွားသလို၊ ဂရုမစိုက်ဘဲ ထားလိုက်တဲ့အခါ "စိမ်းသက်ခြင်း" က အစားထိုးဝင်လာတာပဲ....။ စကားတွေ အများကြီး မပြောဖြစ်တော့တဲ့အခါ တစ်ယောက်ရဲ့ ဘဝထဲမှာ တစ်ယောက်က ပုံရိပ်ယောင် ဖြစ်ကျန်ခဲ့တယ်....။ တကယ်တော့... လမ်းလွဲတယ်ဆိုတာ နှစ်ယောက်လုံးက ကိုယ့်လမ်းကိုယ် လျှောက်နေကြတာပါပဲ...။ ဒါပေမဲ့ ဦးတည်ချက်တွေ မတူတော့တဲ့အခါ လှည့်ကြည့်လိုက်ရင် နောက်ကပါလာမယ့်သူကို မမြင်ရတော့ဘူး....။ လမ်းခွဲစကား" မရှိဘဲ ဝေးသွားတာဟာ ပြန်ဆုံဖို့ လမ်းစကိုပါ ဖျောက်ပစ်လိုက်သလိုမျိုးပေါ့..။ ဒီတော့... ချစ်သူတွေပဲဖြစ်ဖြစ် သူငယ်ချင်းတွေပဲဖြစ်ဖြစ် နားလည်ထားရမှာက... နီးစပ်နေတုန်းမှာ တစ်ယောက် အကြောင်းတစ်ယောက် မေးပါ....။ အလုပ်ရှုပ်တယ်ဆိုတဲ့ စကားလုံးနောက်မှာ ချစ်ရသူကို မေ့မထားပါနဲ့....။ တစ်ခါတလေကျတော့လည်း... လမ်းခွဲစကားကို ပြတ်ပြတ်သားသား ပြောလိုက်တာကမှတစ်ဖက်လူအတွက် လမ်းသစ်ရှာဖို့ ပိုလွယ်ကူစေဦးမယ်....။ အခုတော့... စကားလုံးမရှိတဲ့ လမ်းလွဲခြင်းမှာ ပြန်ဆုံဖို့ မလွယ်တော့တဲ့အထိ ဝေးခဲ့ရတာဟာ တို့နှစ်ယောက်လုံးအတွက် အေးစက်စက် သင်ခန်းစာတစ်ခုပေါ့.....။ နောင်တစ်ချိန်... တစ်စုံတစ်ယောက်နဲ့ နီးစပ်တဲ့အခါ"လမ်းလွဲ" မသွားအောင် ဂရုစိုက်ပါ၊ဝေးကွာခြင်းဆိုတာ... သတိမထားမိလိုက်တဲ့ "ပေါ့ဆမှု လေးတွေကနေ စတာမို့လို့ပါ....💔💔💔 - @masu.masu745