@qrnewskz: Алматыда қазақ руханиятының ірі тұлғасы, Халық жазушысы Мұхтар Шахановпен қоштасу рәсімі өтті. Қаралы жиынға зиялы қауым өкілдері, ақын-жазушылар, қоғам қайраткерлері мен қала тұрғындары жиналып, ақынға деген соңғы құрметтерін білдірді. Қоштасу рәсімінде Дархан Сатыбалды сөз сөйлеп, Мұхтар Шахановтың артына қалдырған бай мұрасы ешқашан ұмытылмайтынын, оның шығармалары мен азаматтық ұстанымы халық жадында мәңгі сақталатынын атап өтті. Әкім ақынның тек әдебиетте ғана емес, ұлттық мүдде жолындағы күресте де ерекше орны бар екенін жеткізді. Сондай-ақ Мереке Құлкенов ақынның болмысын ерекше атап өтіп: «Ақын өзінің Мұхтар Шаханов екенін дәлелдеген азамат», – деп бағасын берді. Оның айтуынша, Шаханов шығармашылығы – ұлттың рухани айнасы, ал тұлғасы – қайсарлық пен шындықтың символы. Мұхтар Шаханов – қазақ әдебиетінде ғана емес, қоғамдық-саяси өмірде де өзіндік орны бар қайраткер. Ол Желтоқсан оқиғасы ақиқатын халықаралық деңгейде көтеріп, әділет жолында батыл үн қатқан тұлға ретінде ел жадында қалды. Ақынның жарқын бейнесі мен мұрасы ұлт жадында ұзақ сақталары сөзсіз.

QRNewskz

Open In TikTok:

Region: KZ

Tuesday 21 April 2026 06:34:16 GMT