Marba haddii doorasho timaaddo, bilow iyo dhammaadba adiga ayaa ah doorashadayda. Xitaa haddii adduunka oo dhan la i siiyo, qalbigaygu wuxuu ogyahay in qiimaha dhabta ahi uu adiga kugu jiro. Indhahaaga markaan eego, waxaan ka dhex arkaa mustaqbal aan wadaagno mid ay ka buuxaan jacayl, kalsooni, iyo riyooyin aan wada dhisnay. Jacaylka aan kuu qabo ma aha mid hadal keliya ku ekaanaya; waa dareen iga buuxa, waa xasuus kasta oo qurux badan oo maskaxdayda ku kaydsan, waa riyo kasta oo habeenkii aan ku seexdo. Waa waxa iga dhigaya inaan noqdo qof ka wanaagsan sidii aan ahaa, sababtoo ah adigu waxaad i bartay micnaha dhabta ah ee jeceylka. Haddii mararka qaar aan hadli waayo, ha u malaynin inaan waxba kuu haynin run ahaantii waa jacaylka oo igu badan oo aan erayo ku soo koobi karin. Waxaad tahay iftiinka noloshayda, qalbigeygana meel gaar ah ayaad kaga jirtaa oo cid kale buuxin karin. Waxaan jeclahay sida aad ii eegto, sida aad ii fahanto xitaa anigoon hadlin, sida aad qalbigayga u dejiso marka uu mashquulo. Adiga dartqa ayaan u aaminsanahay in jacayl dhab ahi jiro mid aan dhammaad lahayn, mid aan waqti iyo duruufo toona burburin karin. Haddii noloshu mararka qaar adkaato, waxaan doonayaa inaad ogaato inaan mar walba kuu taaganahay. Gacantaada ayaan qabanayaa, qalbigeygana waan kuu furayaa, si aan kuu tuso inaad tahay qofka aan nolosha la wadaagi karo ilaa dhammaadka.❤️ - @omarrr411