@superleomm: ဒီဥပမာကို သေချာနားလည်ရင် ဘယ်ဆိုင်ဖွင့်ဖွင့် အောင်မြင်နိုင်ပါတယ်။ "ကိုကျော်ရဲ့ ရွှေပုစွန် မုန့်ဟင်းခါး" ကိုကျော်က မုန့်ဟင်းခါးဆိုင် ဖွင့်ချင်တယ်။ ဒါပေမယ့် ရပ်ကွက်ထဲမှာ ဆိုင်တွေအများကြီး ရှိနေပြီ။ ပုံမှန်အတိုင်းဖွင့်ရင် သူရှုံးမှာ သေချာတယ်။ သူ့ကို ကျွန်တော် ဒီလို မဟာဗျူဟာ ချပေးပါမယ်။ ၁။ The Value Proposition (တန်ဖိုးကို ပြောင်းလဲသတ်မှတ်ခြင်း) ပုံမှန်ဆိုင်တွေက "ဗိုက်ဝရင် ပြီးရော" ဆိုပြီး ရောင်းကြတယ်။ ကိုကျော်က အဲဒီလမ်းကြောင်းကို မလိုက်ရပါဘူး။ လမ်းဘေးဆိုင်တွေက ပူတယ်၊ ယင်ကောင်နားတယ်၊ အချိုမှုန့်များတယ်၊ မိန်းကလေးတွေ ထိုင်စားရတာ အဆင်မပြေဘူး။ ကိုကျော့်ဆိုင်က Air Con တပ်မယ်။ ပန်းကန်ခွက်ယောက်ကို Melamine (ပလပ်စတစ်အမာ) မသုံးဘဲ ကြွေပန်းကန် အဖြူရောင် သန့်သန့်လေးနဲ့ သုံးမယ်။ "အချိုမှုန့် လုံးဝမပါ (No MSG)" ဆိုတဲ့ ဆိုင်းဘုတ်ကို အကြီးကြီး တပ်မယ်။ သူများတွေရောင်းနေတာ "မုန့်ဟင်းခါး"၊ ကိုကျော်ရောင်းမှာက "ကျန်းမာရေးနှင့် သန့်ရှင်းမှု"။ (Product တူပေမယ့် Value မတူတော့ပါဘူး)။ ၂။ The "Menu Engineering" Magic (မီနူးကို ပညာသားပါပါ တည်ဆောက်ခြင်း) ဒါက အရေးကြီးဆုံး အပိုင်းပါ။ မုန့်ဟင်းခါး ရိုးရိုးတစ်ပွဲကို ၁၅၀၀ ကျပ် (သို့) ၂၀၀၀ ကျပ်လောက်နဲ့ပဲ ရောင်းပါ။ (အမြတ် သိပ်မကျန်ပါစေ)။ ဒါမှ ဧည့်သည် ဝင်ရဲမှာပါ။ အမြတ်ကို "အဆာပလာ (Add-ons)" တွေဆီက ယူရပါမယ်။ ဘဲဥ တစ်လုံး - ၈၀၀ ကျပ် (Cost ၄၀၀၊ အမြတ် ၄၀၀) အကြော် တစ်ခု - ၅၀၀ ကျပ် (Cost ၁၅၀၊ အမြတ် ၃၅၀) ငါးဖယ် တစ်ခု - ၅၀၀ ကျပ် မုန့်ဟင်းခါး စားရင် ရေငတ်ပါတယ်။ "အိမ်လုပ် မန်ကျည်းဖျော်ရည်" သို့မဟုတ် "သံပုရာရည်" ကို တစ်ခွက် ၂၀၀၀ နဲ့ ရောင်းပါ။ ဖျော်ရည်ရဲ့ Cost က ၅၀၀ ပဲ ရှိတတ်ပါတယ်။ မုန့်ဟင်းခါးက ဧည့်သည်ခေါ်တဲ့ "ငါးစာ" (Loss Leader) ဖြစ်ပြီး၊ အမြတ်အစစ်က အကြော်နဲ့ ဖျော်ရည်ကနေ လာတာပါ။ ဒါကို "Cross-Selling Strategy" လို့ခေါ်ပါတယ်။ ၃။ Operations & Process (လုပ်ငန်းလည်ပတ်ပုံ) မြန်မာပြည်မှာ ဆိုင်ရှင်က ငွေသိမ်းကောင်တာမှာ ထိုင်နေရတာနဲ့တင် အချိန်ကုန်ပြီး ဆိုင်တိုးတက်ဖို့ မစဉ်းစားနိုင်ကြဘူး။ မုန့်ဟင်းခါး ဟင်းရည်ကို ဆိုင်မှာ မချက်ပါနဲ့။ အိမ်မှာ (သို့) Central Kitchen မှာ ချက်ပြီး ဆိုင်ကို ပို့ပါ။ ဒါမှ ဆိုင်ရှင်မရှိလည်း အရသာ မပြောင်းသလို၊ ဝန်ထမ်းက ခိုးလို့မရတော့ပါဘူး။ ပန်းကန်တစ်ပွဲမှာ မုန့်ဖတ် ဘယ်နှကျပ်သား၊ ဟင်းရည် ဘယ်နှဇွန်း ဆိုတာ ချိန်ခွင်/ခွက် နဲ့ အတိအကျ ထည့်ခိုင်းပါ။ လူကို မယုံပါနဲ့၊ စနစ် (System) ကို ယုံပါ။ စနစ်ကောင်းရင် ဆိုင်ရှင်က ဆိုင်မှာ နေ့တိုင်း ရှိနေစရာ မလိုပါဘူး။ ၄။ Marketing Strategy (ဈေးကွက်ထိုးဖောက်ခြင်း) Facebook မှာ "မုန့်ဟင်းခါး လာစားပါ" လို့ တင်ရင် ဘယ်သူမှ စိတ်မဝင်စားပါဘူး။ Storytelling (ပုံပြင်ပြောပါ)။ "ဒီမုန့်ဟင်းခါး ဟင်းရည်ကို ရဖို့ ဧရာဝတီတိုင်းကလာတဲ့ ငါးရံ့အစစ်ကိုပဲ သုံးထားပြီး၊ ငှက်ပျောတုံးကို နူးအိနေအောင် ၄ နာရီကြာ တည်ထားပါတယ်" ဆိုတဲ့ Video လေး ရိုက်တင်ပါ။ "စနေ၊ တနင်္ဂနွေမှာပဲ ရတဲ့ ဝက်နံရိုး မုန့်ဟင်းခါး"၊ "သင်္ကြန်ကာလ အထူး မုန့်တီ" ဆိုပြီး ရှားပါးမှု (Scarcity) ကို ဖန်တီးပါ။ ၅။ Crisis Management (အကျပ်အတည်း ကိုင်တွယ်ခြင်း - မြန်မာ့နည်း) ဆိုင်ဖွင့်ပြီး ၂ လအကြာမှာ ပြဿနာတက်ပြီ ဆိုပါစို့။ လျှပ်စစ်မီးက ၆ နာရီပျက်မယ်။ ဒီဇယ်ဖိုး တက်လာလို့ တွက်ခြေမကိုက်တော့ဘူး။ မီနူးလျှော့ချပါ။ မီး/ဂတ်စ် ကုန်ကျစရိတ်များတဲ့ ဟင်းပွဲတွေကို ဖြုတ်ပါ။ နေ့လယ်ဘက် လူနည်းတဲ့အချိန် ဆိုင်ခဏပိတ်မလား၊ ဒါမှမဟုတ် Delivery Only (ပါဆယ်စနစ်) ပြောင်းမလား ချက်ချင်းဆုံးဖြတ်ပါ။ ဈေးမတက်ဘဲ ပွဲ size လျှော့မလား ၊ ဒါမှမဟုတ် Quality ထိန်းပြီး ဈေးတက်မလား (Premium Pricing) ကို ဖောက်သည်အုပ်စုပေါ်ကြည့်ပြီး ဆုံးဖြတ်ပါ။ ခင်ဗျား ဖွင့်မယ့်ဆိုင်အတွက် ဒီမေးခွန်း ၃ ခုကို ဖြေကြည့်ပါ။ ငါ့ဆိုင်ကို လူတွေ ပထမဆုံးအကြိမ် လာစားအောင် ဘယ်အရာနဲ့ မျှားမလဲ။ (ဥပမာ - ဈေးသက်သာလို့လား၊ ဓာတ်ပုံရိုက်လို့လှလို့လား)။ ငါ တကယ် အမြတ်ရမယ့် ပစ္စည်းက ဘာလဲ။ (ပင်မ ဟင်းပွဲလား၊ ဒါမှမဟုတ် ဘေးက အချိုပွဲ/အအေးလား)။ နောက်ထပ် ဆိုင်ခွဲ ၁၀ ဆိုင် ဖွင့်မယ်ဆိုရင် လက်ရှိ အရသာမပျက်အောင် ဘယ်လို ထိန်းချုပ်မလဲ။ ✍️Marketing and Bussiness coach - ALEX အချက်တွေဟာ ကျွန်တော်ကိုယ်တိုင် ရေးသားထားတဲ့ ‛‛စားသောက်ဆိုင် အောင်မြင်ရေး လမ်းညွှန်စာအုပ်’’ဆိုတဲ့ စာအုပ်ထဲကအနည်းငယ်ကောက်နှတ်ချက်လေးပါ ဒီထက်မက အပြည့်အစုံလေ့လာဖို့ ကျွန်တော်ဆီမှာ စာအုပ်လာဝယ်ဖတ်လို့ရပါတယ် ✅စာအုပ် Pdf.File နဲ့ရပါမယ် ✅စာအုပ်ဝယ်ဖို့ ဆက်သွယ်ရန် 🔹Viber - 09960564281 🔹Telegram မှာ @Alexy125 ဟုရိုက်ရှာပြီး E လို့ပို့လိုက်ပါ #စားသောက်ဆိုင် #fyp

ALEX

Open In TikTok:

Region: MM

Wednesday 22 April 2026 02:05:29 GMT