Moka tortu Çoxdandır gözlədiyiniz o resept gəldi! 😍 Əminəm ki, bu reseptlə hazırlasanız evdə də eyni şəkildə həzz alacaqsınız dadından. Bütün incəlikləri ilə resepti qeyd edirəm. _______ Biskvit: -6 yumurta -180 gr şəkər tozu -180 gr un -1 p. vanil ________ Şərbət: (biskviti islatmaq üçün) -1 dolu yemək qaşığı instant kofe -2 yemək qaşığı şəkər tozu -1 stəkan su (180 ml) __________ 1. Yumurtaya şəkəri və vanili əlavə edib tam ağarana qədər mikserlə 8-10 dəqiqə qarışdırın. 2. Daha sonra unu ələk vasitəsilə əlavə edib ehmalca altdan yuxarıya doğru spatula ilə qarışdırın. Un məhlulla tam qarışdıqdan sonra 22 sm-lik qəlibə əlavə edib 170 dərəcəli sobada 40-45 dəqiqə bişirin. Tam bişməmiş sobanın qapısını açmayın. 3. Biskviti qəlibdən çıxarıb tam soyuduqdan sonra 3 bərabər hissəyə bölün. 4. ______ Krem: -150 gr kərə yağı -250 gr qatılaşdırılmış süd -200 gr qaymaq (bitki tərkibli)(Ambiante) -1 təpələmə yemək qaşığı instant kofe -1 yemək qaşığı isti su 1. Kərə yağı (yumşaq) və qatılaşdırılmış süd mütləq eyni temperaturda, otaq temperaturunda olmalıdır. 2. Kofe və suyu qarışdıraraq kofe ekstraktı hazırlayın. 3. Kərə yağına qatılaşdırılmış südü əlavə edib mikserlə qarışdırın. Kofe ekstraktını da əlavə edib qarışdıqdan sonra əlinizi aaxlayın. Kremi 2 dəqiqəyə qarışdırıb hazırlamağa çalışın. Çünki çox qarışdıqda təbii kərə yağından dolayı krem çürüyə bilir. 4. Digər bir qabda qaymağı qatılaşıb bərk krem halını alına qədər mikserlə çalıb sonra digər ilə qarışdırın. Hazırdır. _______ Tortun yığılması: 1. Ən alt qata incə olmaqla “karamelli jele” çəkin, daha sonra kremləyin. Karamelli jele tort ləvazimatları dükanında hazır satılır. 2. İkinci biskvitin həm alt həm də üst hissəsini kofeli şərbətlə isladıb kremləyin. 3. Ən üst qatın isə sadəcə alt hissəsini şərbətləyin. 4. Sonda tortun hər tərəfinə qalan kremi yağlayıb badam ləpəsi səpin. Şəkər pudrası səpib karamelli jele ilə dekor edin. ❗️Badamlar sobada çox yüngül qovrulur. Burada məqsəq qovurmaq deyil, badamları qurudub daha da xırçıltılı etməkdir. Ona görə qızartmamağa diqqət göstərin. _______ Nuş olsun! 🤗❤️ - @lamiya_vita