@abdallahhesham24: طول عمري كان أهلي بيقولولي: “اتعب عشان تلاقي وترتاح”. المقولة دي مكنتش فاهمها غير لما كبرت، وفي الحقيقة هي مش صح 100٪، لأنك عمرك ما هترتاح بمعنى الراحة الكاملة. يعني الحمد لله أنا فعلًا تعبت كتير، بداية من ثانوية عامة لحد ما اتخرجت، بس عمري ما ارتحت… لكن لقيت. بعد ما اتخرجت وأنا السادس على الدفعة، شركات كتير كلمتني، وجامعات زي BUE وCIC عرضوا عليّ أبقى معيد، وكمان جالي التعيين في جامعة القاهرة. وده حسسني إن السنين اللي تعبت فيها كلها ربنا جزاني عليها. وزي ما قلت في الفيديو، أنا كان حلمي أشتغل في إنبي، ولما اترفضت أول مرة زعلت شوية. بس لما ربنا كرمني بشغل في شركة طاقة، اكتشفت بعد كده إني بقبض أكتر من اللي شغالين في إنبي، وكمان بشتغل من البيت. الواحد فعلًا ما يعرفش الخير فين. وأول شغل كان سبب إني أغيّر مجالي وأشتغل في الطاقة وأحب المجال ده، وطبيعة الشغل ساعدتني كمان إني أجهّز للسفر. أنا متأكد إن في ناس ظروفها صعبة، بس كل اللي عايز أوصله إن ربنا هيجزيك خير على تعبك… وده عن تجربة. كل اللي عليك إنك تشتغل وتسيبها على الله ☺️ متنساش الفولو Instagram: https://www.instagram.com/abdallahhesham_24?igsh=YjlhYTF0ZnRiYXlq&utm_source=qr #سفر #المانيا #المانيا🇩🇪 #غربة #دراسة

Abdallah Hesham🇩🇪🇪🇬

Open In TikTok:

Region: DE

Sunday 26 April 2026 14:06:02 GMT