waan ku jeclaanayaa jaceyl aan lahayn cabbir, jaceyl aan lagu qiyaasi karin erayo ama ficillo jaceyl iga buuxiyay qalbigayga ilaa aan dareemayo in naf walba oo igu jirta ay adiga kuu heellan tahay. ma tihid qof aan si fudud ku jeclaaday, ee waxaad tahay qof si tartiib ah qalbigayga u qabsaday ilaa aad ka noqotay wax aanan ka maarmi karin. marka aan keligay noqdo, fikirkaaga ayaa ila hadla marka aan dad dhex joogo, haddana adiga ayaa maskaxdayda ka dhex muuqda… xitaa marka aan qoslo, waxaad tahay sababta ka dambeysa farxaddayda. waxaad noqotay qof aan ku noolahay, qof aan u neefsado, qof aan qalbigayga ku xardhay si aan weligiis uga bixin. mararka qaar waxaan is weydiiyaa sidee qof sidaada oo kale ah uu nolosheyda ugu yimid sidee ayaan u helay qof i fahma anigoon wax badan sheegin qof dareenkayga akhriya anigoon hadlin qof qalbigayga dajiya xilli kasta oo aan murugoodo. runtii waxaad tahay hadiyad aanan u qalmin balse aan ku mahadiyo maalin walba. waan ogahay inaanan ahayn qof qumman, laakiin hal shay ayaan hubaa inaan si dhab ah kuu jeclahay, inaan si daacad ah kuu doonayo, inaan si joogto ah kuu ilaalin doono qalbigayga. ma jiro maalin aan ka fikirin inaan kaa dhigo qofka ugu farxadda badan dunida, qof aan waligiis dareemin kalinimo ama murugo. haddii ay dhacdo inaan kaa fogaado, qalbigaygu ma aqbali doono… haddii aad iga maqnaato, naftaydu way dareemi doontaa madhnaan sababtoo ah adiga ma tihid qof la ilaawi karo, waxaad tahay xasuus nool oo qalbigayga ku qoran, waxaad tahay dareen aan marna damin. waan ku jeclahay marka aad qosleyso waan ku jeclahay marka aad aamusan tahay waan ku jeclahay xitaa marka aad iga xanaaqsan tahay, sababtoo ah dhammaan waxyaabahaas waxay kaa dhigayaan adiga qofka aan jeclahay. jaceylkaygu ma aha mid ku xiran xaalad gaar ah, waa mid joogto ah oo aan is beddelin. haddii nolol dhan la i siiyo inaan hal qof la wadaago, adiga ayaan dooran lahaa mar walba haddii la i weydiiyo qofka aan qalbigayga siiyay, adiga ayaan farta ku fiiqi lahaa anigoon laba-labeyn haddii la i yiraahdo maxaad rabtaa mustaqbalkaaga, waxaan oran lahaa: “adiga iyo aniga oo wada jir ah.” ugu dambayn mcnnn, ogow inaad tahay qofka kaliya ee qalbigayga si dhab ah u qabsaday qofka aan u arko noloshayda quruxdeeda qofka aan jeclahay maanta, berri, iyo inta ka dambeysa jaceylkayguna ma dhammaan doono ilaa uu qalbigaygu istaago. ❤️🥹😭 - @55.55.555.555.8