@tarigjibreel: نعالج القبح بالجمال ـــــــــــــــــــــــــــــــــــــــــ أم الحسن (رحلة جواب) ـــــــــــــــــــــــــــــــــــــــــ كلمات: خالد شقوري لحن وغناء: محمد النصري ـــــــــــــــــــــــــــــــــــــــــ وقفت بعد حلبت لبينة الشاي تكورك يا الحسن يا أم الحسن وينو الحسن لامن صفت رغوة شخيبات اللبن في حلتا المبنيي من طبق السكن واقفي في حوش البهايم ولسع تكورك آآآلحسن تلاوي في الحمل العنيد جاها حسا من بعيييد مارق من القاطوع ورا قاليها خير يا الحاجي خير قالتلو خير تعال لي جاي دايراك تعنون لي جواب يا الراسي لي ولدي الخدير لا تبقى زي شافع السرير يقولي زين آيمة زين وزين تبقي بعد شهير وإن جاني يكتب فد سطير أقولو يا سجم السجم أنا زي قرايتك ما قريت لكن عويناتي بيفرزن الوريقة البيضاء من لون القلم بعد المغيرب بي شوي جاها الحسن تعبان يسير العشى غنمو من الدرب سرقت ندي وشو الهجير سوتلو شايا بي لبن قرض معاهو حرف فطير قالتلو بسم الله قول وأكتب وصيتي أنا للخدير الزمن يا ولدي شايلاهو السنين البعيش في الدنيي ما بعيش مرتين العمير فاضلي بس منو اليقين وإنت طوّل في البنادر يا الحبيب لا متين تعال أوريك حق أبوك الجم حقيق حاج اللمين أن عرفتو بلا عمار يقولوا ولدا عندو طين العلاج لا تنسي رسلو لي دحين والعوينات آجناي شوفن ضنين سلامنا ليك مطرز للبنيات والبنين ولو اللرض يا ولدي تنشال في الييدين أنا كت برسلا ليكا في لوري الخزين ………… إنا لله ياخ #sudan #sudanese_songs #sudanesesongs #نعالج_القبح_بالجمال #fyp