@tiekkz: Елордада «Nura Elite» коттедж қалашығын саламын деп халықтан миллиардтаған қаржы жинаған құрылыс компаниясының басшысы Мөлдір Суюншалиге қатысты тергеу басталды. Бұл туралы Қаржылық мониторинг агенттігі (ҚМА) мәлімдеді. Істің мән-жайы қандай? Уәде етілген құрылыс: 2021–2024 жылдары 37 коттедж және 24 таунхаус салынуы керек еді. Алайда қазір тек таунхаустардың қаңқасы ғана тұр. Зардап шеккендер: 56 адам жәбірленуші ретінде танылып, олардан жалпы сомасы 3,9 млрд теңге жиналған. Ақша қайда кетті? Оның 322 млн теңгесі күдіктінің, оның жұбайы мен анасының есепшоттарына аударылса, 145 млн теңге қолма-қол ақшаға айналдырылған. Қаражаттың бір бөлігі «Асылхан» ТК үшін жер учаскесін сатып алуға жұмсалған. Қайта сату: Жәбірленуші толық ақшасын төлеген коттедж басқа адамдардың атына рәсімделіп, бірнеше рет қайта сатылған. Перизат Қайраттың қорына қатысы бар ма? Иә, құрылысқа рұқсат құжаттары болмаса да, күдікті Перизат Қайраттың «Біз біргеміз» қайырымдылық қоры арқылы мұқтаж әйелге пәтер берілетіні туралы БАҚ-та жар салған. Бірақ ол тұрғын үй кешенінің құрылысы мүлдем басталмаған. Қазіргі уақытта күдікті үй қамағында отыр. Тергеу жалғасуда. (Ескерту: ҚР Конституциясына сәйкес, сот үкімі шыққанға дейін адам кінәсіз деп есептеледі). #афм #nuraelite #астана

Tiek ақпарат порталы

Open In TikTok:

Region: KZ

Tuesday 28 April 2026 04:54:59 GMT