@moebayer: سر الطعم مش بالبهارات… السر بالتكنيك 👀🔥 تحمير صح + ليمون + ثوم = طبق مستحيل يفشل مين بحب الأكلات اللي بتتسوى بنص ساعة وبتبين فخمة؟ #طبخات_سهلة #دجاج #وصفات_سهلة #moebayer #اكلات_سريعة “غداء سريع، مرتب، وطعمه فاخر خلال أقل من 30 دقيقة” المكونات: الدجاج: * 3 صدور دجاج، مقطعين فيليه رفيع (كل صدر حوالي 3 قطع) خليط التغطية: * 2 ملعقة كبيرة طحين * ½ ملعقة صغيرة فلفل أسود * ½ ملعقة صغيرة بابريكا * ½ ملعقة صغيرة كمون * ½ ملعقة صغيرة ملح قاعدة النكهة: * 1 حبة بصل متوسطة، مفرومة ناعم * 3–4 فصوص ثوم، مهروس * 1 ملعقة كبيرة زنجبيل طازج مبشور (اختياري) البهارات: * 1 ملعقة صغيرة بابريكا * 1 ملعقة صغيرة كمون * 1 ملعقة صغيرة نعنع ناشف * 1 ملعقة صغيرة بهار كيجن (إذا متوفر) * ملح وفلفل أسود حسب الرغبة الصوص: * 1 كوب مرق دجاج (أو كوب مي سخنة + 2 ملعقة صغيرة مرق دجاج بودرة) * عصير 2 ليمونة كبار اللمسة الأخيرة: * برش 1 ليمونة * 2 ملعقة كبيرة بقدونس مفروم * 2 ملعقة كبيرة نعنع أخضر مفروم للتحمير: * 2 ملعقة كبيرة زيت نباتي * 1 ملعقة كبيرة زبدة طريقة التحضير: 1. تجهيز الدجاج منخلط الطحين مع البهارات، وبنغلف فيهم قطع الدجاج بشكل خفيف، وبننفض الزيادة. 2. تحمير الدجاج بنسخن مقلاية منيح (ويفضل حديد/كاست آيرون). بنضيف الزيت والزبدة، وبنحمر الدجاج على نار عالية لياخد لون ذهبي سريع من الجهتين. أول ما يتحمر، بنطلعه على جنب. 3. تحضير القاعدة بنفس المقلاية، بنضيف البصل وبنقلبه ليوصل لمرحلة الكرملة الخفيفة (لون ذهبي غامق). بعدها بنضيف الثوم والزنجبيل وبنقلبهم حوالي 30 ثانية. 4. تحميص البهارات بنضيف البهارات وبنقلبهم ثواني بس لحتى تطلع ريحتهم. 5. عمل الصوص (التسبيك) بنضيف مرق الدجاج الساخن وعصير الليمون، وبنرجع الدجاج للمقلاية. بنتركه على نار هادية من 5–8 دقائق لحتى الصوص يثقل ويتسبك. 6. اللمسة الأخيرة بنطفي النار، وبنضيف برش الليمون، البقدونس، والنعنع الأخضر. هاي الخطوة بتعطي الطبق النكهة الفريش المميزة. التقديم: * مع رز أبيض مفلفل * أو مع بطاطا مهروسة (ماش بوتيتو) * ممكن إضافة كبر (Capers) لرفع النكهة ملاحظات سريعة (سر الطعم): * التحميص السريع على نار عالية = دجاج طري من جوا ومحمّر من برا * الكرملة الخفيفة للبصل = طعم أعمق وأغنى * إضافة الليمون والنعنع بالأخير = انتعاش واضح بالنكهة

Moe Bayer

Open In TikTok:

Region: DE

Tuesday 28 April 2026 13:20:32 GMT