@therashamashal: ⁨ ⁨ في فترات… الضغط ما بيكون بس حوالينا بيصير جوّاتنا كمان بتحاول تنام… بس عقلك شغّال تصحى… ولسا نفس الثقل موجود تفكير بالمستقبل، سيناريوهات، خوف… وكأنك عايش اللي جاي من هلا بس هون في نقطة لازم تنتبهلها 👇 مش كل إشي لازم تسيطر عليه بس في مساحة صغيرة… إنت بتقدر تديرها ولو ركّزت عليها… رح يخف الحمل شوي 👇 ✨ أول خطوة: نظّم تعرّضك للمحفّزات (أخبار، سوشال ميديا، كلام سلبي) مش كل إشي لازم توصله ولا كل وقت ✨ ثاني خطوة: ارجع للحظة الحالية اسأل حالك: شو في بإيدي هلأ؟ وخذ خطوة صغيرة… حتى لو بسيطة لأن الحركة بتكسر الجمود ✨ ثالث خطوة: هدّي جهازك العصبي (نفس بطيء، تمشاية خفيفة، تقليل منبهات) لأنه أحيانًا المشكلة مش بالفكرة… المشكلة إن جسمك بحالة استنفار ✨ رابع خطوة: لاحظ أفكارك… بس لا تصدّقها مباشرة مش كل فكرة حقيقية ولا كل خوف رح يصير ✨ خامس خطوة: خلّي يومك فيه روتين ثابت حتى لو بسيط لأنه الروتين بيعطي إحساس بالأمان وسط الفوضى ✨ وآخر خطوة: ذكّر حالك… إنك عملت اللي عليك اليوم والباقي… خليه ليومه ✨ وأهم نقطة… التسليم في أشياء أكبر منا… وربنا مدبّره الخوف من بكرا… ما رح يغيّر اللي جاي بس ممكن يسرق منك راحة اليوم فبدل ما نلاحق كل إشي… يمكن نحتاج نبطّئ شوي ونرجع لأنفسنا شو أكتر إشي بيساعدك تهدّي حالك لما تتوتر؟ رشا مشعل ~ أخصائية نفسية اكلينيكية رابط حجز الجلسات الاونلاين موجود على البايو، ورابط الواتساب لحجز الجلسات الوجاهي في العيادة #الصحة_النفسية #العلاج_النفسي #رشا_مشعل #traumas

Rasha Mashal

Open In TikTok:

Region: JO

Wednesday 29 April 2026 06:57:46 GMT