"عشميق الأصم" الأغنية من كلمات الشاعرة مستورة بت كوكو الكاهلية، نظمتها مدحاً وفخراً بإبن قبيلتها وعمدتها عبد الله ود جاد الله.. "عشميق الأصم" هو عمدة الكواهلة في أيام حكم الانجليز والدولة المهدية، اشتهر بمواقفه الصلبة ضد الاستعمار البريطاني.. وتذكر الرواية أن ضابط الانجليز الاداري "ماكميك" كان يناصب الكواهلة العداء بسبب مساندتهم للثورة المهدية، وحين وقع نزاع بين الكواهلة والكبابيش على قطعة أرض، حكم "ماكمايكل" لصالح الكبابيش وأراد أن يأخذ أرض الكواهلة ويمنحها لهم.. تم استدعاء ناظر الكواهلة عبد الله ود جاد الله لتنفيذ الأمر، ويكون شاهداً على توقيع القرار الاداري البريطاني، فاعترض ود جاد الله على القرار، وانتزع القلم من يد "ماكميك" وكسره نصفين و رماه.. تم حبسه لشهرين تقريباً، وبعد ذلك تراجع "ماكميك" عن قراره، وحين خرج ود جاد الله من حبسه استقبلوه بالبهجة والزغاريد والاحتفالات... كلمات الأغنية: عليك بجر النّم يا دقر الحرايق أصبحت كارف السم.. عشميق الأصم كسّار قلم ماكميك شدولو وركب فوق أصهباً وحشي رايو مكملو وكلامو ما هبشي أديتكم أمانة متقنعة وتمشي.. عاشقاني الأمانة ضيف الهجعة بتعشي ما بطاقش الهسوق وما بطاقشو الهسوق ولداً قبيل منسي.. علكيكاً كبير ماكميك جنى هكسى الليلة البلد اتباشرو ناسو يا بحر المحيط مين عبَّرو وقاسو بريطانيا والترك ما ليّنو راسو والعضم الكبير كسرو وشرب ساسو.. شدولو وركب فوق أصهباً مو ربيك والهوج والشرق شرفاً بعاينن ليك العاقر تقول بلدي وبسمي عليك يا عيد الضحية البفتحولو البيت رايو مكملو وكسّار قلم ماكميك.. شدولو وركب فوق أصهباً ماهل رايو متممو وحديثو مو مايل ود عز البيوت ناظر عموم كاهل.. قومن شكّرنو يا الكلكن قاعدات أب صيتاً طلع شالو المسافر وفات حمد لله بالسلامة يا ذمام الكاهليات.. #السودان_مشاهير_تيك_توك #سودانيز_تيك_توك_مشاهير_السودان🇸🇩 #كواهله_يا_رسول_الله🥀🔥🔥🎆 #القوات_المسلحة_السودانية🦅🇸🇩🦅 #تصميم_فيديوهات🎶🎤🎬 - @drosa249