ئیتر بۆم گرنگ نیت، ئەمە کۆتا وێستگەی ئەو گەشتە پڕ لە ماندووبوونەیە کە تێیدا هەموو هەوڵێکی مرۆڤانەی خۆمم دا بۆ ئەوەی ئەم پەیوەندییە لە داڕمان بپارێزم، بەڵام تۆ بە ساردییە بێ سنوورەکانت و ئیهمالکردنە بەردەوامەکانت هەموو پردەکانت ڕوخاند و هیچ ڕێگەیەکت بۆ گەڕانەوە نەهێشتەوە. چیتر بۆم گرنگ نییە چەندە بێدەنگ دەبیت، چەندە دوور دەکەویتەوە، یان چەندە بە بێباکی لە تەنیشتمەوە تێدەپەڕیت وەک ئەوەی هەرگیز منت نەناسیبێت، چونکە ئەو بەستەڵەکە قورسەی تۆ لە نێوانماندا دروستت کرد، دڵی منی وای لێکرد چیتر گەرمی هیچ هەستێکت بۆ لێ نەدات و هیچ ئۆمێد و خەونێکم بە تۆوە نەمێنێت. من فێربووم کە چیتر چاوەڕێی گۆڕانی کەسێک نەکەم کە خۆی بڕیاری داوە لە ناو زەریای بێباکیدا نوقم بێت، فێربووم کە نرخی خۆم و کاتی خۆم و شکۆی مرۆڤبوونم زۆر لەوە گەورەتر و بەهادارترە کە لە چاوەڕوانی نامەیەکی بێ ڕۆح یان گرنگیپێدانێکی ساختە و منەتکاوانەی تۆدا بەفیڕۆی بدەم و خۆم بچووک بکەمەوە. ئیتر سارد بە، ئەوەندە سارد بە تا دەبیت بە تیکەیەکی سەهۆڵی بێ گیان، ئیهمالم بکە تا ئەو ئاستەی کە ناوم و دەنگم و ڕەنگم و هەموو یادگارییەکانم لە ناو مێشکتا بسڕێنەوە، چونکە لای من ئێستا تۆ وەک ئەوە وایت هەرگیز لەم گەردوونە پان و بەرینەدا بوونت نەبووبێت و وەک سێبەرێکی کاتی هاتبی و ڕۆیشتبیت. ئەو کاتانە بە یەکجاری و بۆ هەتا هەتایە کۆتاییان هات کە من بە دوای بچووکترین و بێماناترین هۆکاردا دەگەڕام بۆ ئەوەی تەنها چرکەیەک زیاتر لە لات بمێنمەوە و گوێم لە دەنگت بێت، ئێستا تەنانەت ئەگەر هەزاران هۆکاری مەنتیقی و سۆزداریش ڕیز بکەیت بۆ گەڕانەوە، من یەک هەنگاویشت بۆ نانێم و بۆ جارێکی تریش ئاوڕت بۆ نادەمەوە چونکە متمانەم لە ناو دڵمدا سەبڕا. ئیتر چاوەڕێی گەڕانەوەت ناکەم، چونکە ئەو کەسەی جێی هێشتم چیتر ئەو کەسە نییە کە من دەمناسی، و ئەگەر دووریمان تەنها یەک هەنگاویش بێت، من ئەو هەنگاوە نانێم، چونکە ڕێگەیەک کە شکۆمی تێدا شکا بێت، جارێکی تر تێیدا ڕێ ناکەم. دڵسۆزی و میهرەبانی و ئەو هەموو سۆزە بێ مەرجەی من بۆ کەسێک بوو کە قەدری گەوهەر بزانێت و وەک تاجێکی پڕ لە ڕێز بخاتە سەر سەری، نەک بۆ کەسێک کە وەک چەکێکی کوشندە دژی هەستەکانم بەکاری بهێنێت و بە پشتگوێخستن و بێدەنگییەکی ژەهراوی بیەوێت ئازاری قووڵی ڕۆحم بدات و ئیرادەم بشکێنێت. ئیتر تۆ لەم چرکەساتەوە ئازادیت لەوەی چۆن ڕەفتار دەکەیت و کێ هەڵدەبژێریت و چی دەکەیت، چونکە من لە ناوەوەی خۆمدا بە تەواوی ئازاد بووم لەو زنجیرە خەیاڵییە ئازاربەخشانەی کە ناوی خۆشەویستی و وەفا و خەمی تۆ بوون. چیتر نە ساردییەکەت دەمچەقێنێت، نە بێدەنگییە درێژ و بێماناکانت دەمترسێنێت و نە بێباکییەکانت دەتوانن خەونم لێ تێک بدەن و ژیانم لێ تاڵ بکەن، چونکە من فێری ژیان بووم بێ هەبوونی تۆ. تەواو، هەموو شتێک لە لای من لێرەدا و لەم ساتە وەختەدا خاڵی کۆتایی و بێ گەڕانەوەی بۆ دانرا، ئیتر تۆ تەنها غەریبەیەکیت کە ڕۆژانێک لە ڕێگایەکی هەڵە و لە کاتێکی نەگونجاودا ناسیم، هیچی تر و کەمتر لەوەش. ئەو پەڕەیەی لە کتێبی پیرۆزی ژیانمدا ناوی تۆی لەسەر بوو، بە دەستی خۆم و بە ئیرادەیەکی پۆڵایینەوە دڕاندم و فڕێم دایە ناو زبڵدانی مێژووەوە، ئێستا من لە ناو بێدەنگییەکی پڕ لە شکۆ و ئارامی و شکۆمەندی خۆمدام و تۆش لە ناو ئەو ساردی و ئیهمالکردنە تاریکەی کە خۆت بە ویستی خۆت و بە هەڵبژاردنی خۆت هەڵت بژاردووە، بۆ هەتا هەتایە بمێنەرەوە و تێیدا ون ببه و مەگەڕێوە. ئیتر نە ناوت دەمبزوێنێت، نە بینینت دڵخۆشم دەکات، نە بیستنی هەواڵت کاریگەریم لێ دەکات، تۆ بۆ من مردوویت زۆر پێش ئەوەی مەرگی جەستەییت بگات، چونکە مرۆڤ کە لە ناو دڵ و هۆشی کەسێکدا مرد، ئیتر هیچ هێزێک لە گەردووندا ناتوانێت زیندووی بکاتەوە. ئەمە کۆتا قسە و کۆتا دەربڕینی منە و ئیتر بێدەنگییەکی هەتاهەتایی من دەبێتە وەڵامی هەموو ساردی و بێباکییەکانی تۆ، خوات لەگەڵ بۆ هەمیشە... #نەمویسط #brokeennnnnnn - @bawa.gya4n1