@minaneimehrumhin: الملاهي ايام زمان .. زحليطة ترابية ..نخلص من هون ..ناكل قتلة من هون و تاني يوم نعيدها و نرجع ناكل قتلة ..و ميّل يا غزيّل ..و يا غزيّل ميّل 😁😁 المراجيح كانت حبل معلق بشجرة و اذا حطينا طراحة نشوف حالنا ع رفقاتنا.. القواميع كانت عبارة عن حجار فوق بعضها و الشاطر اللي بيوقعها من اول حجر .. الطابة عبارة عن قماش (شراطيط) و ما توفر و كل ما تفك نرجعها نلفها و اللي كان عندو طابة بلاستيك.. نايلون يكون ابو زيد خالو.. السيارات الاتوماتيك عبارة عن عودين و اي شغلتين مدورين و منربطهم ببعض و خيط هو الكنترول.. اما عن التلفزيون فكان علبة عليها ستار ندفع مصاري و الزلمة من ورا يحرك الصور و نحن متل الهبلان نضل نحكي فيها اسبوع.. شايفين كل هاد.. انا بعتبرو طفولة طبيعية صحية و ضرورية.. الركض بالبرية و الشوك يعبي اجرينا.. اللعب تحت المطر و تماثيل الوحل و الفن الطيني اللي كنا محترفين فيه.. كلو شكل مناعتنا الحالية و قوتنا و لولاه ع الاغلب كنا رحنا فيها بظل هالهجمات الشرسة من الامبريالية العالمية و محور الشر و جميع انواع الفيروسات و الأوبئة و كل المنعطفات التاريخية و المنحدرات الاقليمية و الضربات من كل الجهات.. عرفتوا كيف مساكم خير❤️❤️